കോട്ടയം: കുമരകം റോഡിൽ നിർമ്മാണത്തിലിരിക്കുന്ന കോണത്താറ്റ് പാലത്തിന്റെ സമീപ പാതയുടെ പില്ലറുകളുടെ നിർമ്മാണവുമായി ബന്ധപ്പെട്ട് ഇന്ന് മുതൽ അഞ്ച് ദിവസം (സെപ്തംബർ 18 മുതൽ 23) ഈ ഭാഗത്ത് ഗതാഗത നിയന്ത്രണം ഏർപ്പെടുത്തുന്നു. ഒരു സമയം ഒരു വശത്തുകൂടി മാത്രം കടത്തിവിടുകയുള്ളൂ.
പാലത്തിൻ്റെ പൈലിംങ് പണികളുടെ ഭാഗമായി റോഡിൻ്റെ കിഴക്ക് – ആറ്റാമംഗലം പള്ളി ഭാഗത്ത് നിർമ്മാണ പ്രവർത്തനങ്ങളാണ് ഇന്ന് മുതൽ തുടങ്ങുന്നത്. താൽക്കാലിക പാതയോട് ചേർന്നാണ് ഇന്ന് മുതൽ പൈലിംങ് നടക്കുന്നത്. ഇതിനാൽ ഇവിടെ ഇന്ന് മുതൽ ഒരു സമയം ഒരു വശത്തേക്ക് മാത്രമായിരിക്കും വാഹനങ്ങൾ കടത്തിവിടുക. അഞ്ചുദിവസം ഇത്തരത്തിൽ ഗതാഗതം നിയന്ത്രണം ഉണ്ടാകും. ഗതാഗത നിയന്ത്രണം ഫലപ്രദമായി നടപ്പിലാക്കുന്നതിന് യാത്രക്കാർ സഹകരിക്കണമെന്ന് കുമരകം എസ് എച്ച് ഒ കെ.ഷിജി അറിയിച്ചു.
