Tuesday, November 17, 2026
No menu items!
Homeവാർത്തകൾഇനി ശരണമന്ത്ര ധ്വനികളാൽ മുഖരിതമായ നാളുകൾ; ശബരിമല മണ്ഡലകാല പൂജകള്‍ക്കായി നട തുറന്നതോടെ ശബരിമലയിലേക്ക്...

ഇനി ശരണമന്ത്ര ധ്വനികളാൽ മുഖരിതമായ നാളുകൾ; ശബരിമല മണ്ഡലകാല പൂജകള്‍ക്കായി നട തുറന്നതോടെ ശബരിമലയിലേക്ക് ഭക്തരുടെ ഒഴുക്ക്

ശബരിമല: ഭക്തഹൃദയങ്ങളില്‍ വിശ്വാസത്തിന്റെ പ്രകാശംനിറച്ച് മറ്റൊരു വ്രതകാലംകൂടി. ശബരിമല മണ്ഡലകാല പൂജകള്‍ക്ക് തുടക്കമായി. മണ്ഡല ഉത്സവത്തിനായി നട തുറന്നതോടെ ഇനി ശബരിമലയിലേക്ക് ഭക്തര്‍ ഒഴുകും. രാവിലെ ഭക്തര്‍ക്കായി കാനനപാത തുറന്നു. വൃശ്ചികപ്പുലരിയില്‍ പുതിയ മേല്‍ശാന്തി സുബ്രഹ്മണ്യന്‍ ശങ്കരന്‍ നമ്പൂതിരിയാണ് ശബരിമല നട തുറന്നത്.മാളികപ്പുറം നട പുതിയ മേല്‍ശാന്തി ദാമോദരന്‍ നമ്പൂതിരി തുറന്നു. അറുപതിനായിരത്തില്‍ അധികം ഭക്തരാണ് ഇന്ന് ദര്‍ശനത്തിനായി ബുക്ക് ചെയ്തിരിക്കുന്നത്. പുല്ലുമേട്, കരിമല പാതകളിലൂടെയും ഇന്ന് മുതല്‍ തീര്‍ഥാടകരെ കടത്തിവിടും. പന്തളം വലിയകോയിക്കല്‍ ക്ഷേത്രത്തില്‍ ഇന്നുമുതല്‍ തിരുവാഭരണ ദര്‍ശനത്തിനും തുടക്കമായി.

എട്ട് മണിക്ക് ദേവസ്വം മന്ത്രിയുടെ നേതൃത്വത്തില്‍ അവലോകനയോഗവും ചേരും. മണ്ഡലകാലം ആരംഭിച്ചതോടെ ഇന്ന് കൂടുതല്‍ തീര്‍ഥാടകര്‍ ശബരിമല ദര്‍ശനത്തിന് എത്തും. ഒരു ദിവസം എണ്‍പതിനായിരം പേര്‍ക്കാണ് ദര്‍ശന സൗകര്യം. 66,000 പേര്‍ക്ക് വെര്‍ച്വല്‍ ക്യൂ വഴിയും പതിനാലായിരം പേര്‍ക്ക് തത്സമയ ബുക്കിങിലൂടെയും ദര്‍ശനം നടത്താം. ഡിസംബര്‍ 27ന് മണ്ഡലപൂജയും 2027 ജനുവരി 14ന് മകരവിളക്ക് ഉത്സവവും നടക്കും.

അതേസമയം നിലയ്ക്കലിലെത്തുന്ന സ്വാമിമാരുടെ തിരക്ക് കണക്കിലെടുത്ത് കൂടുതല്‍ പൊലീസ് സുരക്ഷാ വിന്യാസമൊരുക്കിയിട്ടുണ്ട്. കെഎസ്ആര്‍ടിസി ബസുകളില്‍ കയറാന്‍ സ്വാമിമാര്‍ തിരക്ക് കൂട്ടുന്നത് ഉള്‍പ്പെടെയുള്ള അപകടസാധ്യത വിവിധ വകുപ്പുകളുടെ മേല്‍നോട്ടത്തില്‍ പ്രത്യേകം നിയന്ത്രിക്കും. വെര്‍ച്വല്‍ ക്യൂ ബുക്കിങ് വഴിയുള്ള സ്വാമിമാരുടെ എണ്ണം കൂടിയതിനാല്‍ തിരക്ക് ഓരോ മണിക്കൂറിലും ഉയരുമെന്നാണ് വിലയിരുത്തല്‍. കെഎസ്ആര്‍ടിസി ചെയിന്‍ സര്‍വീസുകളുടെ എണ്ണം 90 ആയി ഉയര്‍ത്തിയിട്ടുണ്ട്

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments