ബോയിംഗ് സ്റ്റാര്‍ലൈനറുടെ തകരാര്‍ മൂലം സുനിത വില്യംസിന്റെ ഭൂമിയിലേക്കുള്ള മടക്കയാത്ര വീണ്ടും വൈകിയിരിക്കുകയാണ്. ഇപ്പോഴിതാ സുനിത ഗുരുതരമായ ഒരു ആരോഗ്യ പ്രശ്‌നത്തെ അഭിമുഖീകരിക്കുകയാണെന്ന് വെളിപ്പെടുത്തിയിരിക്കുകയാണ് നാസ. ചുവന്ന രക്താണുക്കള്‍ നശിക്കുന്ന അവസ്ഥയാണിത്. ബഹിരാകാശത്ത് തങ്ങുന്ന സമയത്തോളം ഇത് തുടരുമെന്നതാണ് നിലവിലുള്ള അവസ്ഥയെ ഭീകരമാക്കുന്നത്. സെക്കന്‍ഡില്‍ 3 മില്യണ്‍ കോശങ്ങള്‍ നശിക്കുന്നതിലേക്ക് നയിക്കും.
ചുവന്നരക്താണുക്കളുടെ നാശം ഗുരുതരമായ ആരോഗ്യപ്രശ്‌നങ്ങളിലേക്കാണ് നയിക്കുക. ക്ഷീണം, അനീമിയ, ഹൃദയത്തിന്റെ പ്രവര്‍ത്തനം മന്ദീഭവിക്കുക എന്നതിലേക്ക് നയിക്കും. അതിനാല്‍ തന്നെ ബഹിരാകാശത്ത് കൂടുതല്‍ സമയം ചെലവിടുന്നത് സുനിത വില്യംസിനെ സംബന്ധിച്ചിടത്തോളം മാരകമാണ്. സ്റ്റാര്‍ലൈനര്‍ സര്‍വ്വീസ് മൊഡ്യൂളിലെ റിയാക്ഷന്‍ കണ്‍ട്രോള്‍ ത്രസ്റ്ററുകളിലൂടെ ഹീലിയം ചോര്‍ന്നതാണ് സുനിത വില്യംസിനെ തിരിച്ചെത്തിക്കുന്ന ദൗത്യത്തെ പ്രതിസന്ധിയിലാക്കിയത്.
