തിരുവനന്തപുരം: കേരള കാര്ഷിക സര്വകലാശാല പഴങ്ങളില് നിന്ന് ഉത്പാദിപ്പിച്ച സംസ്ഥാനത്തിന്റെ സ്വന്തം വൈന് ബ്രാന്ഡ് ‘നിള’ അടുത്ത മാസത്തോടെ വിപണിയിലെത്തും. ആദ്യഘട്ടത്തില് പുറത്തിറക്കുന്ന മൂന്ന് തരം വൈനുകള്ക്ക് എക്സൈസ് വകുപ്പ് അംഗീകാരം നല്കി. പ്രീമിയം ഗുണനിലവാരത്തിലുള്ള വൈന് കശുമാങ്ങ, പൈനാപ്പിള്, വാഴപ്പഴം എന്നിവയില് നിന്നുള്ളതാണ്.
കശുമാങ്ങ വൈനില് ആല്ക്കഹോളിന്റെ അളവ് 14.5 ശതമാനമാണ്. പാളയം കോടന് പഴത്തില് നിന്നാണ് ബനാന വൈന് ഉണ്ടാക്കുന്നത്. മൗറീഷ്യസ് ഇനത്തില്പ്പെട്ട പൈനാപ്പിളില് നിന്നാണ് പൈനാപ്പിള് വൈന് നിര്മിക്കുന്നത്. ഇതില് രണ്ടിലും 12.5 ശതമാനമാണ് ആല്ക്കഹോള്.
