ന്യൂഡൽഹി: ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (AIIMS) നഴ്സിങ് ഓഫീസർ തസ്തികളിൽ നിയമനം നടത്തുന്നു. എയിംസിന്റെ വിവിധ ആശുപത്രികളിൽ ആയി 2,218 ഒഴിവുകളാണ് നിലവിൽ റിപ്പോർട്ട് ചെയ്തിരിക്കുന്നത്. ഇതിൽ കൂടുതൽ ഒഴിവുകൾ ഉണ്ടാകും. പുതുച്ചേരിയിലും അവസരമുണ്ട്. നഴ്സിങ് ബിരുദം യോഗ്യതയുള്ളവർക്ക് അപേക്ഷിക്കാം. താൽപര്യമുള്ള ഉദ്യോഗാർഥികൾക്ക് ഓഗസ്റ്റ് 13 വൈകിട്ട് 5 മണി വരെ ഓൺലൈനായി അപേക്ഷിക്കാം
- ഇന്ത്യൻ നഴ്സിങ് കൗൺസിൽ അംഗീകരിച്ച B.Sc. (Hons.) Nursing / B.Sc. Nursing അല്ലെങ്കിൽ Post Basic B.Sc. Nursing പാസായിരിക്കണം.
- കൂടാതെ State Nursing Council അല്ലെങ്കിൽ Indian Nursing Council-ൽ Nurse & Midwife ആയി രജിസ്ട്രേഷൻ ഉണ്ടായിരിക്കണം.
- അല്ലങ്കിൽ ജനറൽ നഴ്സിംഗ് മിഡ്വൈഫറി (GNM) ഡിപ്ലോമ പാസായിരിക്കണം.
- സ്റ്റേറ്റ് നഴ്സിങ് കൗൺസിൽ /ഇന്ത്യൻ നഴ്സിംഗ് കൗൺസിലിൽ രജിസ്റ്റർ ചെയ്തിരിക്കണം.
- കൂടാതെ 50 കിടക്കകളോ അതിലധികമോ ഉള്ള ആശുപത്രിയിൽ 2 വർഷത്തെ പ്രവൃത്തിപരിചയം ഉണ്ടായിരിക്കണം
- അപേക്ഷകരുടെ പ്രായപരിധി 18 മുതൽ 30 വയസ് വരെയാണ്. SC/ST വിഭാഗത്തിന് 5 വർഷം, OBCയ്ക്ക് 3 വർഷം, PwBDയ്ക്ക് 10 വർഷം (പരമാവധി 56 വയസ്) വരെ പ്രായ ഇളവുണ്ട്. മുൻ സൈനികർക്കും യോഗ്യരായ കേന്ദ്ര സർക്കാർ ജീവനക്കാർക്കും നിയമാനുസൃത പ്രായ ഇളവ് ബാധകമാണ്
തെരഞ്ഞെടുക്കപ്പെടുന്ന നഴ്സിങ് ഓഫീസർമാർക്ക് 7-ാം ശമ്പള കമ്മീഷൻ പ്രകാരമുള്ള Pay Level-7 ശമ്പളമാണ് ലഭിക്കുക. അടിസ്ഥാന ശമ്പളം 44,900 മുതൽ 1,42,400 രൂപ വരെ ലഭിക്കും. ഇതിനുപുറമെ ഡിയർനസ് അലവൻസ് (DA), ഹൗസ് റെന്റ് അലവൻസ് (HRA), ട്രാൻസ്പോർട്ട് അലവൻസ് ഉൾപ്പെടെ കേന്ദ്ര സർക്കാർ ജീവനക്കാർക്ക് ലഭിക്കുന്ന മറ്റ് ആനുകൂല്യങ്ങളും ലഭിക്കും
കംപ്യുട്ടർ അധിഷ്ഠിത പരീക്ഷ (CBT) വഴിയാണ്. നിയമനം നടത്തുന്നത്. രണ്ട് ഘട്ടങ്ങളായാണ് പരീക്ഷ നടക്കുന്നത്.
90 മിനിറ്റ് ദൈർഘ്യമുള്ള പരീക്ഷയാണ് നടത്തുന്നത്. 100 മാർക്കിന് 100 ചോദ്യങ്ങൾ (20 ജനറൽ നോളജ് & ആപ്റ്റിറ്റ്യൂഡ്, 80 നഴ്സിങ് വിഷയങ്ങൾ). ഓരോ തെറ്റായ ഉത്തരത്തിനും 1/3 മാർക്ക് നെഗറ്റീവ് മാർക്കിംഗ് ഉണ്ടായിരിക്കും. ഈ പരീക്ഷ യോഗ്യത നിർണയത്തിന് മാത്രമാണ്. അന്തിമ റാങ്കിൽ പരിഗണിക്കില്ല
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
