ഹേമ കമ്മിറ്റി റിപ്പോർട്ട് : ദേശീയ വനിതാ കമ്മിഷൻ കേരളത്തിലേക്ക്

ഹേമ കമ്മിറ്റി റിപ്പോർട്ട് സംബന്ധിച്ച കൂടുതൽ അന്വേഷണം നടത്താനായി ദേശീയ വനിതാ കമ്മിഷൻ നാളെ കേരളത്തിലേക്ക്. നാളെ തിരുവനന്തപുരത്തെത്തുന്ന കമ്മിഷൻ അം​​ഗങ്ങളുടെ സംഘം പരാതിക്കാരുടെ വിശദമായ മൊഴി രേഖപ്പെടുത്തും. മൂന്നുദിവസം തലസ്ഥാനത്ത് താമസിക്കുന്ന സംഘം പുതിയ പരാതികളും സ്വീകരിക്കും. കമ്മിഷൻ അംഗവും മാധ്യമ ഉപദേഷ്ടാവുമാണ് കേരളത്തിലെത്തുന്നത്. ഹേമ കമ്മിറ്റി റിപ്പോർട്ടിന്റെ പൂർണരൂപം കേരളം നൽകാത്തതിനെ തുടർന്നാണ് വിഷയത്തിൽ ദേശീയ വനിതാ കമ്മിഷൻ ഇടപെട്ടത്.