സർക്കാർ ഭൂമിയിലെ അനധികൃത കൈയ്യേറ്റം ഒഴിപ്പിച്ചു

കാഞ്ഞിരപ്പള്ളി താലൂക്കിൽ കൂട്ടിയ്ക്കൽ വില്ലേജിൽ കോലാഹലമേട് ഭാഗത്ത് 6 , 9 റീ സർവ്വെ നമ്പരുകളിൽപ്പെട്ട 5 ഏക്കറോളം ഭൂമിയിലെ അനധികൃത കൈയ്യേറ്റം റവന്യൂ- പോലീസ് സംയുക്ത നടപടികളിലൂടെ ഒഴിപ്പിച്ച് ഭൂമി തിരിച്ചുപിടിച്ചു. കൈയ്യേറ്റം ഒഴിപ്പിച്ച ഭൂമിയിൽ സർക്കാർ വക ഭൂമി എന്ന ബോർഡും സ്ഥാപിച്ചു. കാഞ്ഞിരപ്പള്ളി തഹസിൽദാർ ശ്രീ.ജോസുകുട്ടി കെ.എം, ഭൂരേഖാ തഹസിൽദാർ ശ്രീ.സുനിൽ കുമാർ പി.എസ്, മുണ്ടക്കയം SHO ശ്രീ.രാകേഷ് കുമാർ എം.ആർ , ഡെപ്യൂട്ടി തഹസിൽദാർ ശ്രീ.ജോജോ.വി.സെബാസ്റ്റ്യൻ, കൂട്ടിയ്ക്കൽ വില്ലേജ് ഓഫീസർ ശ്രീമതി. ഷിധ ഭാസ്ക്കർ, താലൂക്ക് സർവ്വെയർ ശ്രീ.അജിത്കുമാർ എന്നിവർ ഒഴിപ്പിക്കൽ നടപടികൾക്ക് നേതൃത്വം നൽകി. പോലീസ് -റവന്യൂ വകുപ്പുകളിലെ വിവിധ ഉദ്യോഗസ്ഥർ ഒഴിപ്പിക്കൽ നടപടികളിൽ പങ്കാളികളായിരുന്നു. വരും ദിവസങ്ങളിൽ അനധികൃത കയ്യേറ്റം സംബന്ധിച്ച് കൂടുതൽ പരിശോധനകൾ നടത്തുമെന്ന് റവന്യൂ അധികൃതർ അറിയിച്ചു.