ശബരിമല തീര്ഥാടന വേളയിൽ ആരോഗ്യപ്രശ്നങ്ങൾക്ക് പരിഹാര സംവിധാനങ്ങൾ ഒരുക്കി ആരോഗ്യ വകുപ്പ്. മലകയറുമ്പോള് എന്തെങ്കിലും ബുദ്ധിമുട്ട് തോന്നുന്നെങ്കില് തൊട്ടടുത്തുള്ള ആരോഗ്യ കേന്ദ്രത്തില് ചികിത്സ തേടണമെന്നും ആരോഗ്യ പ്രവര്ത്തകരുടെയും വിവിധ ഭാഷകള് കൈകാര്യം ചെയ്യുന്നവരുടെയും സേവനം ഇതിനായി ഉറപ്പാക്കിയിട്ടുണ്ടെന്നും. മലയാളം, ഇംഗ്ലീഷ്, ഹിന്ദി, തമിഴ്, തെലുങ്ക്, കന്നട തുടങ്ങി വിവിധ ഭാഷകളില് അവബോധം ശക്തമാക്കിയിട്ടുള്ളതായും ആരോഗ്യ മന്ത്രി വീണാ ജോർജ് വ്യക്തമാക്കി.
ശബരിമല തീര്ഥാടന വേളയില് താഴെ ചേർക്കുന്ന കാര്യങ്ങൾ പ്രത്യേകം ശ്രദ്ധിക്കണം
വിവിധ രോഗങ്ങള്ക്കായി ചികിത്സയിലിരിക്കുന്നവര് ദര്ശനത്തിനായി എത്തുമ്പോള് ചികിത്സാരേഖകളും കഴിക്കുന്ന മരുന്നുകളും കൈവശം കരുതണം. സ്ഥിരമായി കഴിക്കുന്ന മരുന്നുകള് വ്രതകാലത്ത് നിര്ത്തരുത്. മല കയറുമ്പോള് ഉണ്ടാകാവുന്ന ആരോഗ്യ പ്രശ്നങ്ങള് ഒഴിവാക്കുന്നതിനായി ദര്ശനത്തിന് എത്തുന്നതിന് ദിവസങ്ങള്ക്ക് മുന്പേ നടത്തം ഉള്പ്പെടെയുള്ള ലഘു വ്യായാമങ്ങള് ചെയ്ത് തുടങ്ങണം. ഇടയ്ക്കിടക്ക് വിശ്രമിച്ചുകൊണ്ട് സാവധാനത്തില് വേണം മലകയറാന്. ക്ഷീണം, തളര്ച്ച, നെഞ്ചുവേദന, ശ്വാസതടസം എന്നിവ ഉണ്ടായാല് മല കയറുന്നത് നിര്ത്തി എത്രയും പെട്ടെന്ന് വൈദ്യസഹായം തേടേണ്ടതാണ്. 04735 203232 എന്ന നമ്പറില് അടിയന്തര സഹായത്തിനായി വിളിക്കാം.
