വൈദ്യുതി ചാർജ് വർദ്ധനവിനെതിരെ പ്രകടനം

കാലടി: കേരള സർക്കാരിന്റെ അന്യായമായ വൈദ്യുതി ചാർജ് വർദ്ധനവിനെതിരെ കോൺഗ്രസ് (ഐ) മലയാറ്റൂർ നീലീശ്വരം മണ്ഡലം കമ്മറ്റിയുടെ നേതൃത്വത്തിൽ പന്തം കൊളുത്തി പ്രകടനവും പ്രതിഷേധയോഗവും നടത്തി. മണ്ഡലം പ്രസിഡന്റ് ബിജു കണിയാംകുടിയുടെ അദ്ധ്യക്ഷതയിൽ ചേർന്ന യോഗം DCC ജനറൽ സെക്രട്ടറി മനോജ് മുല്ലശ്ശേരി ഉദ്ഘാടനം ചെയ്തു. കോൺഗ്രസ് കാലടി ബ്ലോക്ക് പ്രസിഡന്റ് സെബി കിടങ്ങേൻ, കൊച്ചുത്രേസ്യ തങ്കച്ചൻ, അനിമോൾ ബേബി, ബ്ലോക്ക് കോൺഗ്രസ് ഭാരവാഹികൾ, മണ്ഡലം ഭാരവാഹികൾ, ബൂത്ത് വാർഡ് പ്രസിഡന്റുമാർ എന്നിവർ സംസാരിച്ചു. യോഗത്തിന് ഷാജു തുപ്പത്തിൽ സ്വാഗതവും മിനി സേവ്യർ നന്ദിയും പറഞ്ഞു.