വിൻസെൻഷ്യൻ സന്യാസ സഭയിലെ പത്തൊൻപത് ജൂബിലി വൈദികർക്ക് സ്വീകരണം

ചെങ്ങമനാട്: പൗരോഹിത്യ ജൂബിലി നിറവിലായിരിക്കുന്ന വിൻസെൻഷ്യൻ സന്യാസ സഭയിലെ പത്തൊൻപത് വൈദികർക്ക് അങ്കമാലി മേരിമാത പ്രൊവിൻഷ്യൽ ഹൗസിൽ സ്വീകരണം നൽകി. രാവിലെ ജൂബിലേറിയന്മാരുടെ കാർമ്മികത്വത്തിൽ കൃതജ്ഞതാ ബലി നടന്നു.

ഗുഡ്നെസ്സ് ടി.വി.മാനേജിംഗ് ഡയറക്ടർ ഫാ. അലക്‌സ് ചാലങ്ങാടി വചന സന്ദേശം നൽകി. തുടർന്ന് നടന്ന ആശംസാ സമ്മേളനത്തിൽ വിൻസെൻഷ്യൻ സഭ അസിസ്റ്റന്റ് സുപ്പീരിയർ ജനറൽ ഫാ. ടോണി ചക്കുങ്കൽ, മേരിമാത പ്രൊവിൻഷ്യൽ സുപ്പീരിയർ ഫാ. പോൾ പുതുവ എന്നിവർ ആശംസകൾ നേർന്നു.