കീവ്: യുക്രെയ്നില് നൂറിലേറെ മിസൈലുകളും നൂറോളം ആക്രമണ ഡ്രോണുകളും റഷ്യ വിക്ഷേപിച്ചു. തിരക്കേറെയുള്ള തിങ്കളാഴ്ച രാവിലെയാണ് ആക്രമണമുണ്ടായത്. സംഭവത്തില് കുറഞ്ഞത് അഞ്ച് പേരെങ്കിലും കൊല്ലപ്പെടുകയും രാജ്യവ്യാപകമായി ഊര്ജ്ജ സൗകര്യങ്ങള് തകര്ക്കുകയും ചെയ്തതായി അധികൃതര് അറിയിച്ചു.
കീവിലെ ചില ഭാഗങ്ങള് ഉള്പ്പെടെ നിരവധി സ്ഥലങ്ങളില് വൈദ്യുതി സംവിധാനങ്ങളും ജലവിതരണവും തടസ്സപ്പെട്ടിട്ടുണ്ട്. റഷ്യയുടെ പൂര്ണ്ണ തോതിലുള്ള അധിനിവേശത്തിന് ശേഷം രണ്ടര വര്ഷത്തിനുള്ളില് കുറഞ്ഞത് 10 പ്രദേശങ്ങളില് വൈദ്യുതി അല്ലെങ്കില് മറ്റ് നിര്ണായക അടിസ്ഥാന സൗകര്യങ്ങള് ലക്ഷ്യമിട്ട് ആക്രമണം നടന്നതായും ഉദ്യോഗസ്ഥര് പറഞ്ഞു.
മാര്ച്ചില് റഷ്യ യുക്രേനിയന് പവര് ഗ്രിഡിലെ ആക്രമണം ശക്തമാക്കിയിരുന്നു. ആളുകള്ക്ക് വൈദ്യുതിയും ചൂടും ഏറ്റവും ആവശ്യമുള്ള ശൈത്യകാലത്തിന് മുമ്പായി സിസ്റ്റത്തെ തകര്ക്കാനുള്ള സംഘടിത ശ്രമമാണെന്ന് കീവ് കുറ്റപ്പെടുത്തി. റഷ്യയിലേക്ക് ലോംഗ് റേഞ്ച് സ്ട്രൈക്കുകള് അനുവദിക്കണമെന്ന് കീവിലെ ഉന്നത ഉദ്യോഗസ്ഥര് ആവശ്യപ്പെട്ടു.
