മാവേലിക്കസ് 2025 മെഗാ പൂക്കള മത്സരത്തിൽ എംടിയുടെ ചിത്രം

തിരുവനന്തപുരം: മലയാളത്തിൻ്റെ പ്രിയ എഴുത്തുകാരൻ എം ടിക്ക് ആദരമർപ്പിച്ചു കൊണ്ട് എം ടി വാസുദേവൻ നായരുടെ മെഗാ ചിത്രമാണ് സംഘാടക സമിതിയുടെ നേതൃത്വത്തിലുള്ള പൂക്കളത്തിൽ ഒരുങ്ങിയത്.മെഗാ പൂക്കളമത്സരംസംസ്ഥാന സര്‍ക്കാരിൻ്റെ ഓണാഘോഷമായ ‘മാവേലിക്കസ് 2025’ നോടനുബന്ധിച്ച് നടന്ന മെഗാ പൂക്കളമത്സരത്തിലാണ് വൈവിദ്ധ്യമാർന്ന പുഷ്പങ്ങളുടെ വർണ്ണവിന്യാസത്തിൽ ഒരുക്കപ്പെട്ട മെഗാപ്പൂക്കളം കാഴ്ചകാരുടെ മനം കവർന്നത്. മലയാളത്തിൻ്റെ പ്രിയ എഴുത്തുകാരൻ എം ടിക്ക് ആദരമർപ്പിച്ചു കൊണ്ട് എം ടി വാസുദേവൻ നായരുടെ മെഗാ ചിത്രമാണ് സംഘാടക സമിതിയുടെ നേതൃത്വത്തിലുള്ള പൂക്കളത്തിൽ ഒരുങ്ങിയത്. ജില്ലാ കളക്ടർ സ്നേഹിൽ കുമാർ സിംഗ് പൂക്കളങ്ങൾ സന്ദർശിച്ചു.ഐടി ആൻ്റ് സ്റ്റാർട്ടപ്പ് വിഭാഗത്തിൽ മത്സരിച്ച കോഴിക്കോട് ജില്ലയിലെ തപസ് എനർജി ഒന്നാം സ്ഥാനവും റസിഡൻസ് അസോസിയേഷൻ വിഭാഗത്തിൽ മത്സരിച്ച കണ്ണൂർ ജില്ലയിലെ കോടിയേരി റസിഡൻസ് അസോസിയേഷൻ രണ്ടാം സ്ഥാനവും ഇതര വിഭാഗത്തിൽ മത്സരിച്ച മലപ്പുറം ജില്ലയിലെ ദൃശ്യ കലാവേദി മൂന്നാം സ്ഥാനവും കരസ്ഥമാക്കി.കുടുംബശ്രീ, ഉത്തരവാദിത്ത ടൂറിസം മിഷന്‍ യൂണിറ്റുകള്‍, ഇന്‍ക്ലൂസിവ്, റസിഡന്‍സ് അസോസിയേഷന്‍, ആര്‍ട്‌സ് ആന്‍ഡ് കള്‍ച്ചറല്‍, ഐടി സ്റ്റാര്‍ട്ടപ്പ് എന്നീ വിഭാഗങ്ങളിലാണ് മത്സരങ്ങൾ നടന്നത്. ഭിന്നശേഷി കുട്ടികളും മത്സരത്തിൽ പങ്കാളികളായി. പൊതുവിദ്യാലയങ്ങളില്‍ പഠിക്കുന്ന കുട്ടികളെ ഉള്‍പ്പെടുത്തി നടത്തിയ ഇന്‍ക്ലൂസിവ് പൂക്കള മത്സരത്തില്‍ ടീമിലെ അഞ്ചുപേരില്‍ രണ്ടുപേർ ഭിന്നശേഷി കുട്ടികളായിരുന്നു.