ന്യൂഡല്ഹി: മഹാരാഷ്ട്ര, ജാര്ഖണ്ഡ് തിരഞ്ഞെടുപ്പ് തീയതികള് ഇന്ന് പ്രഖ്യാപിക്കും. വൈകിട്ട് മൂന്നരയ്ക്ക് തിരഞ്ഞെടുപ്പ് കമ്മിഷന്റെ വാര്ത്താ സമ്മേളനത്തില് തീയതികള് പ്രഖ്യാപിക്കും. വയനാട്, പാലക്കാട്, ചേലക്കര ഉപതിരഞ്ഞെടുപ്പ് തീയതികളും ഇതിനൊപ്പം പ്രഖ്യാപിച്ചേക്കുമെന്നാണ് സൂചന.
മഹാരാഷ്ട്ര നിയമസഭയുടെ കാലാവധി നവംബര് 26 ന് അവസാനിക്കുന്ന സാഹചര്യത്തില് അതിനു മുമ്ബ് തിരഞ്ഞെടുപ്പ് നടത്തിയേക്കും. കഴിഞ്ഞതവണ മഹാരാഷ്ട്രയില് ഒറ്റ ഘട്ടമായും ജാര്ഖണ്ഡില് 5 ഘട്ടമായുമാണ് തിരഞ്ഞെടുപ്പ് നടന്നത്.
മഹാരാഷ്ട്രയില് 288 സീറ്റുകളിലേക്കും ജാര്ഖണ്ഡില് 90 സീറ്റുകളിലേക്കുമാണ് തിരഞ്ഞെടുപ്പ്. ഉത്തര് പ്രദേശിലെ 10 മണ്ഡലങ്ങളിലുള്പ്പെടെ രാജ്യത്തെ 45 മണ്ഡലങ്ങളിലാണ് ഉപതിരഞ്ഞെടുപ്പ് നടക്കേണ്ടത്.
