ചേർത്തല: അര്ത്തുങ്കല് ഭാഗത്ത് കടലില് മത്സ്യബന്ധനത്തിനിടെ കാണാതായ പൊന്നാനി സ്വദേശി ഷൗക്കത്തിന്റെ മൃതദേഹം തോട്ടപ്പള്ളി ഫിഷറീസ് സ്റ്റേഷന് പെട്രോളിങ് ബോട്ട് കണ്ടെത്തി. മുബാറക് എന്ന ബോട്ടിലെ ജീവനക്കാരനായിരുന്ന ഷൗക്കത്തിനെ പുലര്ച്ചെ മത്സ്യബന്ധനത്തിനിടെ കാണാതാവുകയായിരുന്നു.
തോട്ടപ്പള്ളി ഫിഷറീസ് സ്റ്റേഷനില് നിന്നും അസിസ്റ്റന്റ് ഡയറക്റുടെ നിര്ദേശപ്രകാരം പുറപ്പെട്ട പെട്രോളിങ് ബോട്ടിന്റെ തിരച്ചിലിലാണ് മൃതദേഹം കണ്ടെത്തിയത്. മൃതദേഹം ഇന്ക്വസ്റ്റ് നടപടികള്ക്കായി അര്ത്തുങ്കല് കോസ്റ്റല് പോലീസിന് കൈമാറി.
