പ്ര​വാ​സി​ക​ള്‍ക്ക്​ നോ​ര്‍ക്ക തി​രി​ച്ച​റി​യ​ൽ കാ​ർ​ഡ്; പ്ര​ചാ​ര​ണ കാ​മ്പ​യി​​ന്​ തു​ട​ക്കം

ദു​ബൈ: സം​സ്ഥാ​ന സ​ര്‍ക്കാ​ർ സ്ഥാ​പ​ന​മാ​യ നോ​ർ​ക്ക റൂ​ട്ട്സ് ലോ​ക​മെ​മ്പാ​ടു​മു​ള​ള മ​ല​യാ​ളി പ്ര​വാ​സി​ക​ൾ​ക്കാ​യി ഏ​ർ​പ്പെ​ടു​ത്തി​യ വി​വി​ധ ഐ.​ഡി കാ​ർ​ഡു​ക​ളു​ടെ സേ​വ​ന​ങ്ങ​ള്‍ സം​ബ​ന്ധി​ച്ച് പ്ര​ചാ​ര​ണ കാ​മ്പ​യി​​ന്​ ജൂ​ലൈ ഒ​ന്നു മു​ത​ൽ തു​ട​ക്ക​മാ​യി. 31വ​രെ ന​ട​ക്കു​ന്ന കാ​മ്പ​യി​നി​ലൂ​ടെ പ്ര​വാ​സി ഐ.​ഡി കാ​ർ​ഡ്, സ്റ്റു​ഡ​ന്‍റ്​ ഐ.​ഡി കാ​ർ​ഡ്, എ​ൻ.​ആ​ർ.​കെ ഐ.​ഡി കാ​ർ​ഡ്, നോ​ര്‍ക്ക പ്ര​വാ​സി​ര​ക്ഷാ ഇ​ൻ​ഷു​റ​ൻ​സ് (എ​ൻ.​പി.​ആ​ർ.​ഐ) എ​ന്നീ സേ​വ​ന​ങ്ങ​ള്‍ സം​ബ​ന്ധി​ച്ച് അ​വ​ബോ​ധം സൃ​ഷ്ടി​ക്കും. ഐ.​ഡി കാ​ർ​ഡ് എ​ടു​ത്ത​വ​ര്‍ക്കു​ള​ള സം​ശ​യ​ങ്ങ​ൾ ദൂ​രീ​ക​രി​ക്കാ​നും കാ​ർ​ഡ് പു​തു​ക്കാ​നും ഈ ​കാ​ല​യ​ള​വ് പ്ര​യോ​ജ​ന​പ്പെ​ടു​ത്താം. വി​ദേ​ശ​ത്ത് ആ​റു മാ​സ​ത്തി​ൽ കൂ​ടു​ത​ൽ ജോ​ലി​ചെ​യ്യു​ക​യോ താ​മ​സി​ക്കു​ക​യോ ചെ​യ്യു​ന്ന 18നും 70​നും ഇ​ട​യി​ൽ പ്രാ​യ​മു​ള്ള പ്ര​വാ​സി​ക​ൾ​ക്ക്​​ പ്ര​വാ​സി ഐ.​ഡി കാ​ർ​ഡ്, നോ​ര്‍ക്ക പ്ര​വാ​സി​ര​ക്ഷാ ഇ​ൻ​ഷു​റ​ൻ​സ് സേ​വ​ന​ങ്ങ​ൾ, വി​ദേ​ശ​പ​ഠ​ന​ത്തി​ന് പ്ര​വേ​ശ​ന​ന​ട​പ​ടി​ക​ൾ പൂ​ർ​ത്തി​യാ​ക്കി​യ​വ​ര്‍ക്കും നി​ല​വി​ൽ വി​ദേ​ശ​ത്ത് പ​ഠി​ക്കു​ന്ന മ​ല​യാ​ളി വി​ദ്യാ​ർ​ഥി​ക​ൾ​ക്ക് സ്റ്റു​ഡ​ന്‍റ്​ ഐ.​ഡി കാ​ർ​ഡും ഇ​ന്ത്യ​യി​ലെ മ​റ്റു സം​സ്ഥാ​ന​ങ്ങ​ളി​ൽ ര​ണ്ടു വ​ർ​ഷ​മാ​യി താ​മ​സി​ച്ച് അ​ല്ലെ​ങ്കി​ൽ ജോ​ലി​ചെ​യ്തു​വ​രു​ന്ന പ്ര​വാ​സി മ​ല​യാ​ളി​ക​ൾ​ക്ക്​ എ​ൻ.​ആ​ർ.​കെ ഐ.​ഡി കാ​ർ​ഡും ല​ഭി​ക്കും. ഐ.​ഡി കാ​ര്‍ഡു​ക​ള്‍ക്ക് മൂ​ന്നു വ​ര്‍ഷ​വും നോ​ര്‍ക്ക പ്ര​വാ​സി​ര​ക്ഷാ ഇ​ൻ​ഷു​റ​ന്‍സി​ന് ഒ​രു വ​ര്‍ഷ​വു​മാ​ണ്​ കാ​ലാ​വ​ധി. അ​പ​ക​ട​മ​ര​ണ​ങ്ങ​ള്‍ക്ക് അ​ഞ്ച് ല​ക്ഷം രൂ​പ​യു​ടെ​യും അം​ഗ​വൈ​ക​ല്യ​ങ്ങ​ള്‍ക്ക് ര​ണ്ട് ല​ക്ഷം രൂ​പ വ​രെ​യു​മു​ള​ള ഇ​ൻ​ഷു​റ​ൻ​സ് പ​രി​ര​ക്ഷ​യും ല​ഭി​ക്കും. എ​ന്‍.​ആ​ര്‍.​ഐ സീ​റ്റി​ലേ​ക്കു​ള​ള പ്ര​വേ​ശ​ന​ത്തി​ന് സ്പോ​ണ്‍സ​റു​ടെ തി​രി​ച്ച​റി​യ​ല്‍ രേ​ഖ​ക​ളി​ൽ ഒ​ന്നാ​യി നോ​ര്‍ക്ക പ്ര​വാ​സി ഐ.​ഡി കാ​ര്‍ഡ് പ്ര​യോ​ജ​ന​പ്പെ​ടു​ത്താം. നോ​ര്‍ക്ക റൂ​ട്ട്‌​സി​ന്‍റെ വെ​ബ്സൈ​റ്റാ​യ www.norkaroots.kerala.gov.in വ​ഴി അ​പേ​ക്ഷി​ക്കാം.