പിറന്നാള്‍ ആഘോഷത്തിനിടെ സുഹൃത്തുക്കളോട് പന്തയം വച്ച് ഗുഡ്‌സ് ട്രെയിനിന് മുകളില്‍ കയറിയ 17 കാരന്‍ ഷോക്കേറ്റ് മരിച്ചു

കൊച്ചി: പോണേക്കര സ്വദേശി ആൻ്റണി ജോസാണ് മരിച്ചത്. സുഹൃത്തുക്കളുമായി പന്തയം വെച്ച ശേഷമാണ് ആൻ്റണി ജോസ് നിര്‍ത്തിയിട്ടിരുന്ന ഗുഡ്‌സ് ട്രൈനിന് മുകളില്‍ കയറിയത്. വലിയ അളവില്‍ പ്രവഹിച്ചുകൊണ്ടിരുന്ന വൈദ്യുതിലൈനില്‍ നിന്ന് ആൻ്റണിക്ക് ഗുരുതരമായി പൊള്ളലേല്‍ക്കുകയായിരുന്നു. ഉടനെ കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.