കുറിച്ചിത്താനം: പാറയിൽ ശ്രീധർമ്മ ശാസ്താ ക്ഷേത്രത്തിലെ മകരവിളക്ക് മഹോത്സവം ജനുവരി 11 മുതൽ 14 വരെ നടക്കും. 11 ശനി വൈകിട്ട് 5:55 ന് കലാ വേദിയിൽ ഭദ്രദീപപ്രകാശനം ക്ഷേത്രം മേൽശാന്തി ഏറത്തുരുത്തി ഇല്ലം ഹരികുമാർ നമ്പൂതിരി നിർവഹിക്കും. 6 ന് ഭജൻസ്: പൂത്തൃക്കോവിൽ ഭജനസമിതി, കുറിച്ചിത്താനം. 7:30ന് ആതിരസംഗമം 2025 ശ്രീമതി. പ്രീത ബാലകൃഷ്ണൻ ഉദ്ഘാടനം ചെയ്യും. തുടർന്ന് എട്ടങ്ങാടി നിവേദ്യം, തിരുവാതിരക്കളി.
രണ്ടാം ദിനമായ 12 ഞായർ വൈകിട്ട് 6 ന് വിവിധ ദേശങ്ങളിൽ നിന്നുള്ള തിരുവാതിര സംഘങ്ങൾ പങ്കെടുക്കുന്ന ആതിരസംഗമം 2025. തുടർന്ന് പാതിരാപ്പൂചൂടൽ.
13 തിങ്കൾ വൈകിട്ട് 6 ന് കുറിച്ചിത്താനം ശ്രീധരിക്കവലയിലെ കാണിക്കമണ്ഡപത്തിൽ ദീപക്കാഴ്ച, തുടർന്ന് ക്ഷേത്രത്തിലേക്ക് താലപ്പൊലി ഘോഷയാത്ര. കലാവേദിയിൽ വൈകിട്ട് 7 ന് സംഗീതസദസ്സ്: ആദിത്യദേവ് വി., പുന്നയൂർക്കുളം (ചെന്നൈ). 8.30 ന് ഭജൻസ്: ശ്രീകൃഷ്ണ ഭജനസമിതി, കുറിച്ചിത്താനം. 9.30 ന് നൃത്തനൃത്യങ്ങൾ.
മകരവിളക്ക് ദിനമായ 14 ചൊവ്വ രാവിലെ 6 ന് അഷ്ടദ്രവ്യ മഹാഗണപതിഹോമം, 6.30 ന് പുരാണപാരായണം, 7.45 ന് അഷ്ടാഭിഷേകം, മേളം: കലാപീഠം കുറിച്ചിത്താനം രതീഷും സംഘവും. 8.45 ന് മകരസംക്രമപൂജ. 10 ന് നാരായണീയപാരായണം, 12 ന് മഹാപ്രസാദമൂട്ട്, വൈകിട്ട് 5.30 ന് പഞ്ചവാദ്യം, 6.15 ന് ദീപാരാധന, ദീപക്കാഴ്ച, ചുറ്റുവിളക്ക്. സോപാനസംഗീതം: കൃഷ്ണദേവ്,കൃഷ്ണകൃപ. തുടർന്ന് കളമെഴുത്തുപാട്ട്. കലാവേദിയിൽ വൈകിട്ട് 6.45 ന് ഓട്ടൻതുള്ളൽ: ഗിന്നസ് ജയകുമാർ, കുറിച്ചിത്താനം. 7.45 ന് സെമിക്ലാസിക്കൽ ഡാൻസ്: കുമാരി. ശ്രേയ പ്രമോദ്, 8 ന്: ഗാനസന്ധ്യ 2025 – സിംഫണി ഓർക്കസ്ട്ര, പാലാ.
