എ ഐ വൈ എഫ് മുൻ ജില്ലാ സെക്രട്ടറിയും, സിപിഐ ജില്ലാ കൗൺസിൽ അംഗവുമായ വൈക്കം ഉദയനാപുരം ഇരുമ്പൂഴിക്കര രഘുവരത്തിൽ ആർ. ബിജു അന്തരിച്ചു. 50 വയസായിരുന്നു. ദേഹാസ്വാസ്ഥ്യത്തെ തുടർന്ന് കുഴഞ്ഞു വീഴുകയായിരുന്നു. വൈക്കം ടൗൺ സർവിസ് സഹകരണ ബാങ്കിലെ സീനിയർ ക്ലർക്കാണ്. എഐടിയുസി സംസ്ഥാന വർക്കിംഗ് കമ്മറ്റി അംഗമാണ്. എ ഐ വൈ എഫ് മുൻ സംസ്ഥാന കൗൺസിൽ അംഗം കൂടി ആയിരുന്ന ബിജു നിലവിൽ കെ സി ഇ സി സംസ്ഥാന സെക്രട്ടറിയാണ്. ഒൻപത് വർഷത്തോളം എ ഐ വൈ എഫ് ജില്ലാ ഭാരവാഹിയായി പ്രവർത്തിച്ചിട്ടുണ്ട്.
പിതാവ്: രഘുവരൻ, മാതാവ്: രമണി, ഭാര്യ: ബിന്ദു, മകൾ: നൈനിക.
