പോര്‍ട്ട് ബ്ലെയര്‍: ആന്‍ഡമാനിന് സമീപം കടലില്‍ മുങ്ങിയ ചരക്കു കപ്പലില്‍ നിന്നും 11 പേരെ ഇന്ത്യന്‍ തീരസംരക്ഷണസേന രക്ഷപ്പെടുത്തി. എംവി ഐടിടി പ്യൂമ എന്ന ചരക്കു കപ്പലില്‍ നിന്നാണ് 11 പേരെ കോസ്റ്റ് ഗാര്‍ഡ് രക്ഷിച്ചത്. സാഗര്‍ ഐലന്‍ഡില്‍ നിന്നും 90 നോട്ടിക്കല്‍ മൈല്‍ അകലെ വെച്ചാണ് കപ്പല്‍ അപകടത്തില്‍പ്പെട്ടത്. കൊല്‍ക്കത്തയില്‍ നിന്നും പോര്‍ട്ട് ബ്ലെയറിലേക്ക് പോകുകയായിരുന്നു കപ്പല്‍.
കോസ്റ്റ് ഗാര്‍ഡ് രാത്രി നടത്തിയ രക്ഷാദൗത്യത്തിലൂടെയാണ് കപ്പലില്‍ കുടുങ്ങിയവരെ രക്ഷിച്ചത്. കോസ്റ്റ് ഗാര്‍ഡ് കപ്പലുകളായ സാരംഗ്, അമോഹ്, കോസ്റ്റ് ഗാര്‍ഡിന്റെ ഡോണിയര്‍ എയര്‍ക്രാഫ്റ്റ് എന്നിവ രക്ഷാദൗത്യത്തില്‍ പങ്കെടുത്തു.
