കുറവിലങ്ങാട്: മരങ്ങാട്ടുപിള്ളി ഗ്രാമപഞ്ചായത്തിന്റെ ആഭിമുഖ്യത്തിൽ മാലിന്യ മുക്ത നവകേരളം ജനകീയ ക്യാമ്പയിന്റെ ഭാഗമായി ആണ്ടൂരിൽ നിന്ന് മരങ്ങാട്ടുപിള്ളിയിലേക്ക് ശുചിത്വമാരത്തോൺ നടത്തി. ഗ്രാമപഞ്ചായത്ത് പ്രസിഡന്റ് ബെൽജി ഇമ്മാനുവലിന്റെ അദ്ധ്യക്ഷതയിൽ കൂടിയ യോഗത്തിൽ മരങ്ങാട്ടുപിള്ളി സർക്കിൾ ഇൻസ്പെക്ടർ അജേഷ്കുമാർ എ ഫ്ലാഗ് ഓഫ് ചെയ്തു. വൈസ് പ്രസിഡന്റ് ഉഷ രാജു, ബ്ലോക്ക് മെമ്പർ ജോൺസൺ ജോസഫ് പുളിക്കിൽ, സ്ഥിരംസമിതി അംഗങ്ങളായ തുളസീദാസ്, സിറിയക് മാത്യു, ജാൻസി ടോജോ, മെമ്പർമാരായ സന്തോഷ്കുമാർ എം എൻ, പ്രസീദ സജീവ്, നിർമ്മല ദിവാകരൻ, ലിസി ജോർജ്ജ്, സലിമോൾ ബെന്നി, ബെനറ്റ് പി മാത്യു, ജോസഫ് ജോസഫ്, ലിസി ജോയി, സാബു തെങ്ങുംപള്ളിൽ, സെക്രട്ടറി ശ്രീകുമാർ എസ് കൈമൾ, എസ് എം ഇ പ്രിൻസിപ്പൽ റെജിമോൻ, ഭാരത് നഴ്സിംഗ് കോളേജ് പ്രിൻസിപ്പൽ രാജ്മോഹൻ തുടങ്ങിയവർ പ്രസംഗിച്ചു.
