കാഞ്ഞിരപ്പള്ളി: കുടുംബശ്രീ ഉൽപ്പന്നങ്ങൾ വീടുകളിൽ എത്തി വിപണനം നടത്തുന്ന കുടുംബശ്രീയുടെ ഹോം ഷോപ്പ് പദ്ധതിയുടെ കാഞ്ഞിരപ്പള്ളി ബ്ലോക്ക് തല ഉദ്ഘാടനം ബഹുമാനപ്പെട്ട പൂഞ്ഞാർ എംഎൽഎ അഡ്വ. സെബാസ്റ്റ്യൻ കുളത്തുങ്കൽ നിർവഹിച്ചു.
പുലിക്കുന്ന് എസ് ടി കമ്മ്യൂണിറ്റി ഹാളിൽ ചേർന്ന യോഗത്തിൽ കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡണ്ട് അജിതാ രതീഷ് അധ്യക്ഷത വഹിച്ചു. ഐ ഡി കാർഡ് വിതരണ ഉദ്ഘാടനം ജില്ലാ പഞ്ചായത്ത് അംഗം ശൂഭേഷ് സുധാകരനും യൂണിഫോം വിതരണ ഉദ്ഘാടനം ജില്ലാ പഞ്ചായത്ത് അംഗം പി.ആർ അനുപമയും നിർവഹിച്ചു. ബ്ലോക്ക് പഞ്ചായത്ത് അംഗം പി കെ പ്രദീപ്, വാർഡ് അംഗം സുലോചന സുരേഷ്, സിഡിഎസ് ചെയർപേഴ്സൺ വസന്തകുമാരി, കുടുംബശ്രീ ജില്ലാ പോഗ്രാം ഓഫീസർ ജോബി ജോൺ, ബ്ലോക്ക് കോ ഓർഡിനേറ്റർ മാർട്ടിൻ തോമസ്, കുടുംബശ്രീ ചെയർപേഴ്സൺ മാരായ അനീഷാ ഷാജി, അമ്പിളി സജീവൻ, ബ്ലോക്ക് കോർഡിനേറ്റർമാരായ ജ്യോതിഷ് രാജേന്ദ്രൻ, പ്രീതി സി എം,വിനീത കെ വി , ഹോം ഷോപ് മാനേജ്മെൻറ് ടീം അംഗങ്ങളായ ബിസ്മി സൈനുദ്ദീൻ, അജീഷ് എന്നിവർ പ്രസംഗിച്ചു.
