ചെറുതോണി: ദേശീയ ഡാം സുരക്ഷ അതോറിറ്റി മുല്ലപ്പെരിയാര് അണക്കെട്ട് വിഷയത്തില് ആവശ്യമായ ഇടപെടല് നടത്തുമെന്ന് ഇടുക്കി എംപി ഡീൻ കുര്യാക്കോസ് ദേശീയ ഡാം സുരക്ഷ അതോറിറ്റി. മുല്ലപ്പെരിയാര് അണക്കെട്ട് വിഷയത്തില് ആവശ്യമായ ഇടപെടല് നടത്തുമെന്ന് ഇടുക്കി എംപി ഡീൻ കുര്യാക്കോസ്. മുല്ലപ്പെരിയാല് അണക്കെട്ട് സംബന്ധിച്ച വിശദമായ അപേക്ഷ എന്ഡിഎസ്എ ചെയര്മാന് സമര്പ്പിച്ചിട്ടുണ്ട്. മുല്ലപ്പെരിയാര് അണക്കെട്ട് കേരളത്തിന്റെ വലിയൊരു ആശങ്കയാണ്. ഇക്കാര്യങ്ങളെല്ലാം വിശദീകരിച്ചാണ് അപേക്ഷ നല്കിയിട്ടുള്ളത്.
ദേശീയ ഡാം സുരക്ഷ അതോറിറ്റി ഒക്ടോബറോടെ മുല്ലപ്പെരിയാര് വിഷയത്തില് ഇടപെടും. ചെയര്മാന് നല്കിയ അപേക്ഷക്ക് പിന്നാലെയാണ് ഇക്കാര്യം അധികൃതര് അറിയിച്ചത്.
പുതിയ അണക്കെട്ട് നിര്മിക്കണമെന്നതാണ് കേരളത്തിന്റെ ആവശ്യം. ദേശീയ ഡാം സുരക്ഷ അതോറിറ്റിയുടെ ഇടപെടലോടെ മുല്ലപ്പെരിയാര് വിഷയത്തില് മാറ്റം ഉണ്ടാകും. എന്ഡിഎസ്എ പുതിയ ഡാം നിര്മിക്കാൻ ഇടപെടല് നടത്തണമെന്നാണ് ആവശ്യം. ഇതിനായി എന്ഡിഎസ്എ തുടര് നടപടി സ്വീകരിക്കണമെന്നും ആവശ്യപ്പെട്ടിട്ടുണ്ടെന്ന് ഡീൻ കുര്യാക്കോസ് വ്യക്തമാക്കി. ഡാം സേഫ്റ്റി ചെയർമാനെ നേരിട്ട് കണ്ടെന്നും നടപടികള് സ്വീകരിക്കുമെന്ന് അദ്ദേഹം ഉറപ്പ് നല്കിയെന്നും ഡീൻ കുര്യാക്കോസ് പറഞ്ഞു .
