വാഷിങ്ടണ്: പതിനൊന്ന് വര്ഷത്തിന് ശേഷം ചൈനീസ് പ്രസിഡൻ്റ് അമേരിക്കയിൽ. ചൈനീസ് പ്രസിഡന്റ് ഷി ചിന്പിങ് ന് വാഷിങ്ടണിലെ ജോയിന്റ് ബേസ് ആന്ഡ്രൂസ് വിമാനത്താവളത്തില് വന് വരവേല്പ്പാണ് ലഭിച്ചത്. യു എസ് പ്രസിഡന്റ് ഡോണള്ഡ് ട്രംപും ഭാര്യ മെലാനിയ ട്രംപും നേരിട്ടെത്തിയാണ് ചൈനീസ് പ്രസിഡന്റിനെയും സംഘത്തെയും സ്വീകരിച്ചത്.മൂന്ന് ദിവസത്തെ സന്ദര്ശനത്തിനായാണ് ഷി ജിന്പിങ്ങ് അമേരിക്കയിലെത്തിയത്. ജിന്പിങിന് സൈനിക ബഹുമതികളും ഫ്ലൈപാസ്റ്റും ഉള്പ്പെടെയുള്ള രാജകീയമായ സ്വീകരണമാണ് അമേരിക്ക നല്കിയത്. ചൈനീസ് നേതാവിനോടുള്ള ആദരസൂചകമായിട്ടാണ് ട്രംപ് തന്നെ നേരിട്ട് വിമാനത്താവളത്തിലെത്തി സ്വീകരിച്ചതെന്ന് വൈറ്റ് ഹൗസ് വ്യക്തമാക്കി. പശ്ചിമേഷ്യന് സംഘര്ഷം വീണ്ടും രൂക്ഷമാകുന്നതിനിടെയാണ് ചൈനീസ് പ്രസിഡന്റിന്റെ യുഎസ് സന്ദര്ശനം.ചൈനീസ് പ്രസിഡന്റിന്റെ സംഘത്തില് അദ്ദേഹത്തിന്റെ ഭാര്യ പെങ് ലിയുവാന്, കമ്യൂണിസ്റ്റ് പാര്ട്ടി ഓഫ് ചൈന (സിപിസി) കേന്ദ്ര കമ്മിറ്റിയുടെ പൊളിറ്റിക്കല് ബ്യൂറോ സ്റ്റാന്ഡിങ് കമ്മിറ്റി അംഗവും സിപിസി കേന്ദ്ര കമ്മിറ്റിയുടെ ജനറല് ഓഫിസ് ഡയറക്ടറുമായ കായ് ക്വി, സിപിസി കേന്ദ്ര കമ്മിറ്റി പൊളിറ്റിക്കല് ബ്യൂറോ അംഗവും വിദേശകാര്യ മന്ത്രിയുമായ വാങ് യി എന്നിവരാണുള്ളത്.
ഇറാന് യുദ്ധം, തായ്വാന് വിഷയം, ആര്ട്ടിഫിഷ്യല് ഇന്റലിജന്സ്, വ്യാപാരതീരുവകള് തുടങ്ങിയവ യുഎസ്- ചൈന പ്രസിഡന്റുമാര് തമ്മിലുള്ള കൂടിക്കാഴ്ചയില് പ്രധാന ചര്ച്ചയാകും. ഈ വര്ഷം കാലാവധി അവസാനിക്കുന്ന അമേരിക്ക-ചൈന വ്യാപാരക്കരാര് നീട്ടുന്നത് സംബന്ധിച്ചും ചര്ച്ച നടക്കും. വൈറ്റ് ഹൗസില് ചൈനീസ് പ്രസിഡന്റിന് ട്രംപ് ഔദ്യോഗിക വിരുന്ന് നല്കുന്നുണ്ട്. കഴിഞ്ഞ മെയ് മാസത്തില് ട്രംപ് ചൈന സന്ദര്ശിച്ചിരുന്നു. ഇതിനു ശേഷം ആറുമാസത്തിനുള്ളില് ഇരുനേതാക്കളുടെയും കൂടിക്കാഴ്ച യുഎസ്- ചൈന ബന്ധത്തില് നിര്ണായകമാകുമെന്നാണ് പ്രതീക്ഷിക്കപ്പെടുന്നത്
