മലപ്പുറം: കാക്കഞ്ചേരി കിന്ഫ്ര ടെക്നോ പാര്ക്കില് ഗ്ലോബല് കേപ്പബിലിറ്റി സെന്റര് പ്രവര്ത്തനമാരംഭിച്ചു. കായിക മന്ത്രി വി. അബ്ദുറഹ്മാനാണ് ഉദ്ഘാടനം നിര്വഹിച്ചത്. സംസ്ഥാനത്തെ യുവജനങ്ങള്ക്ക് സ്വന്തം നാട്ടില് അന്താരാഷ്ട്ര നിലവാരമുള്ള തൊഴിലവസരങ്ങള് ലഭ്യമാകുന്നതിന് ഇത്തരം കേന്ദ്രങ്ങള് സഹായകരമാണെന്ന് മന്ത്രി പറഞ്ഞു. മികച്ച വ്യവസായ സൗകര്യങ്ങളും മനുഷ്യവിഭവശേഷിയും കേരളത്തില് ആഗോള സ്ഥാപനങ്ങള്ക്ക് അനുകൂലമായ അന്തരീക്ഷമൊരുക്കുന്നുവെന്നും മന്ത്രി പറഞ്ഞു.
നിലവില് ഏകദേശം 100 പേര്ക്ക് തൊഴില് നല്കുന്ന ഏഇഇ, അടുത്ത അഞ്ച് വര്ഷത്തിനകം 2,000 ത്തിലധികം തൊഴിലവസരങ്ങള് സൃഷ്ടിക്കാനുള്ള പദ്ധതികളാണ് തയ്യാറാക്കുന്നത്. ഇതിലൂടെ നേരിട്ടും പരോക്ഷവുമായ തൊഴില് സാധ്യതകള് വര്ധിക്കുകയും പ്രദേശത്തിന്റെ സാമ്പത്തിക പ്രവര്ത്തനങ്ങള് ശക്തമാകുകയും ചെയ്യുമെന്ന് പ്രതീക്ഷിക്കുന്നതായി എം.എസ്. ഹോള്ഡിഗ്സ് സ്ഥാപകനും സിഇഒയുമായ മുഹമ്മദ് ഷഫീക്ക് പറഞ്ഞു. ആഗോള നിലവാരത്തിലുള്ള പരിശീലന പരിപാടികളുമായി സഹകരിച്ചാണ് ജിസിസി പ്രവര്ത്തനം മുന്നോട്ടുകൊണ്ടുപോകുക എന്നും അദ്ദേഹം വ്യക്തമാക്കി.
അന്താരാഷ്ട്ര ബിസിനസ് പ്രവര്ത്തനങ്ങള്ക്ക് പുതുവേദി; കിന്ഫ്രാ പാര്ക്കില് ഗ്ലോബല് കേപ്പബിലിറ്റി സെന്റര് ഉത്ഘാടനം ചെയ്തു
