വൈദ്യുതി തടസ്സം ഇനി വാട്സാപ്പിലും അറിയിക്കാം

തിരുവനന്തപുരം: മഴക്കാലത്തെ വൈദ്യുതി തടസ്സം സംബന്ധിച്ച പരാതികള്‍ ഇനി വാട്സാപ്പിലും അറിയിക്കാം. ഇതിന് അവസരമൊരുക്കിയിരിക്കുകയാണ് കെ എസ് ഇ ബി. 9496001912 എന്ന നമ്പരില്‍ വിളിച്ചോ വാട്‌സാപ്പ് സന്ദേശമയച്ചോ ഇനി പരാതിപ്പെടാം. കെ എസ് ഇ ബിയുടെ ടോള്‍ഫ്രീ കസ്റ്റമര്‍ കെയര്‍ നമ്പരായ 1912 ല്‍ വിളിച്ചും വൈദ്യുത തടസ്സം പരാതിപ്പെടാം. അതേസമയം, വൈദ്യുതി അപകടങ്ങളോ അപകട സാധ്യതകളോ ശ്രദ്ധയില്‍പ്പെട്ടാല്‍ ഉടനെ 9496010101 എന്ന നമ്പറിലാണ് അറിയിക്കേണ്ടത്. ഇത് അപകടം അറിയിക്കാന്‍ മാത്രമുള്ള നമ്പരാണ്. അതേസമയം കനത്ത കാറ്റും മഴയും കാരണം വൈദ്യുതി ശൃംഖലയ്ക്ക് വ്യാപക നാശനഷ്ടമുണ്ടായ സാഹചര്യത്തില്‍ വൈദ്യുതി പുനഃസ്ഥാപന പ്രവര്‍ത്തനങ്ങള്‍ ഏകോപിപ്പിക്കാന്‍ ഇലക്ട്രിക്കല്‍ സര്‍ക്കിള്‍ തലത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ ആരംഭിച്ചിട്ടുണ്ട്.