മേപ്പാടി: ഉരുൾപൊട്ടല് നാശം വിതച്ച വയനാട്ടിൽ ആശ്വാസം പകരാനായി നടൻ മോഹൻലാൽ എത്തി. മേപ്പാടി ടെറിട്ടോറിയല് ആര്മിയുടെ ബേസ് ക്യാംപിലാണ് മോഹന്ലാല് ആദ്യം എത്തിയത്. തുടര്ന്ന് ഉരുള്പൊട്ടിയ പ്രദേശവും സൈനികരെയും മോഹന്ലാല് സന്ദര്ശിച്ചു. ലെഫ്റ്റനന്റ് കേണല് കൂടിയായ മോഹന്ലാല് മേപ്പാടി എത്തിയപ്പോള് സൈന്യം സ്വീകരിച്ചു. സൈനിക യൂണിഫോമിലാണ് മോഹന്ലാല് എത്തിയത്. കോഴിക്കോടു നിന്ന് റോഡു മാര്ഗമാണ് വയനാട്ടിലെത്തിയത്.
മോഹൻലാൽ ലെഫ്റ്റനന്റ് കേണലായിട്ടുള്ള 122 ഇൻഫെന്ററി ബറ്റാലിയനാണ് വയനാട് രക്ഷാപ്രവർത്തനത്തിന്റെ മുൻനിരയിലുള്ളത്. മോഹന്ലാല് പങ്കുവെച്ച വൈകാരികമായ കുറിപ്പും ഏറെ ശ്രദ്ധനേടിയിരുന്നു. ‘വയനാട് ദുരന്തബാധിതര്ക്ക് ആശ്വാസം പകരാന് നിസ്വാര്ത്ഥരായ സന്നദ്ധപ്രവര്ത്തകര്, പൊലീസുകാര്, ഫയര് ആന്ഡ് റെസ്ക്യൂ, എന്ഡിആര്എഫ്, സൈനികര്, സര്ക്കാര് ഉദ്യോഗസ്ഥര് തുടങ്ങി അക്ഷീണം പ്രയത്നിക്കുന്ന ഓരോ വ്യക്തിയുടെയും ധൈര്യത്തെ ഞാന് സല്യൂട്ട് ചെയ്യുന്നു.
