കാട്ടുപന്നിയെ ക്ഷുദ്ര ജീവിയായി പ്രഖ്യാപിക്കാൻ സാധിക്കില്ലെന്ന് കേന്ദ്രം

വന്യജീവി സംഘർഷത്തിൽ കേരളത്തിൻറെ ആവശ്യം തള്ളി കേന്ദ്രം. കാട്ടുപന്നിയെ ക്ഷുദ്ര ജീവിയായി പ്രഖ്യാപിക്കാൻ ആവില്ലെന്നാണ് ഇപ്പോൾ കേന്ദ്ര സർക്കാർ അറിയിച്ചിരിക്കുന്നത്. കൃഷി നശിപ്പിക്കുന്ന കുരങ്ങന്മാരെ ഷെഡ്യൂൾ ഒന്നിലേക്ക് മാറ്റണമെന്നതും അംഗീകരിക്കില്ലെന്ന് കേന്ദ്ര സർക്കാർ. എ എ റഹീം എംപിക്ക് പാർലമെൻറിൽ നൽകിയ മറുപടിയിലാണ് കേന്ദ്രം നിലപാട് വ്യക്തമാക്കിയത്. നിയമസഭ പാസാക്കിയ പ്രമേയത്തിന് പ്രസക്തിയില്ലെന്നും കേന്ദ്രം അറിയിച്ചു.