കേരളം പിന്നോക്കമാണെന്ന് പ്രഖ്യാപിച്ചാല് കൂടുതല് സഹായം ലഭിക്കുമെന്നും റോഡില്ല, വിദ്യാഭ്യാസമില്ല, എന്നൊക്കെ പറഞ്ഞാല് സഹായം തരാമെന്നും ജോർജ് കുര്യൻ. പിന്നാക്കം നില്ക്കുന്ന സംസ്ഥാനങ്ങള്ക്കാണ് ആദ്യം സഹായം കൊടുക്കുന്നത്. കേരളം പിന്നാക്കമാണെന്ന് പ്രഖ്യാപിക്കൂ, അപ്പോള് കിട്ടും. ഞങ്ങള്ക്ക് റോഡില്ല, ഞങ്ങള്ക്ക് വിദ്യാഭ്യാസമില്ല, ഞങ്ങള്ക്ക് അങ്ങനെയുള്ള കാര്യമില്ല എന്ന് കേരളം പ്രഖ്യാപിച്ചാല്, മറ്റ് സംസ്ഥാനങ്ങളെക്കാള് വിദ്യാഭ്യാസപരമായി പിന്നാക്കമാണ്, സമൂഹികപരമായി പിന്നാക്കമാണ്, അടിസ്ഥാന സൗകര്യത്തിന്റെ കാര്യത്തില് പിന്നാക്കമാണ് എന്ന് പറഞ്ഞാല് അത് കമ്മീഷന് പരിശോധിക്കും. പരിശോധിച്ചു കഴിഞ്ഞാല് ഗവണ്മെന്റിന് റിപ്പോര്ട്ട് കൊടുക്കും. അങ്ങനെയാണ് തീരുമാനിക്കുക. അല്ലാതെ ഗവണ്മെന്റ് അല്ലല്ലോ’ – ജോര്ജ് കുര്യന് പറഞ്ഞു.
നിലവില് കിഴക്കൻ മേഖലയിലെ സംസ്ഥാനങ്ങളുടെ വികസനത്തിലാണ് കൂടുതല് ശ്രദ്ധ. എയിംസ് ബജറ്റില് അല്ല പ്രഖ്യാപിക്കുന്നതെന്നും സംസ്ഥാന സർക്കാർ നടപടിക്രമങ്ങള് പൂർത്തിയാക്കി നല്കി കഴിഞ്ഞാല് മുൻഗണന അനുസരിച്ച് എയിംസ് അനുവദിക്കുമെന്നും ജോർജ് കുര്യൻ പറഞ്ഞു.
