മലപ്പുറം: മഞ്ചേരി സര്ക്കാര് മെഡിക്കല് കോളേജിന് ദേശീയ മുസ്കാന് അംഗീകാരം ലഭിച്ചു. ആരോഗ്യ മന്ത്രി മന്ത്രി വീണ ജോർജാണ് ഇക്കാര്യം അറിയിച്ചത്. 93 ശതമാനം സ്കോറോടെയാണ് മഞ്ചേരി മെഡിക്കൽ കോളേജ് മുസ്കാന് സര്ട്ടിഫിക്കേഷന് നേടിയെടുത്തത്. ഇതോടെ സംസ്ഥാനത്തെ മൂന്ന് ആശുപത്രികള്ക്ക് മുസ്കാന് സര്ട്ടിഫിക്കേഷന് ലഭിച്ചു.
മഞ്ചേരി മെഡിക്കല് കോളേജിൽ മാതൃശിശു പരിചരണത്തിനായി നടത്തിയ ഇടപെടലുകള്ക്കുള്ള അംഗീകാരമാണ് മുസ്കാന് സര്ട്ടിഫിക്കേഷന് ലഭിച്ചത്. 2.66 കോടി രൂപ ചെലവഴിച്ച് 8 കിടക്കകളുള്ള പീഡിയാട്രിക് എച്ച്.ഡി.യു, 4 കിടക്കകളുള്ള പീഡിയാട്രിക് ഐ.സി.യു, ഓക്സിജന് സൗകര്യങ്ങളോട് കൂടിയ 30 കിടക്കകളുള്ള പീഡിയാട്രിക് വാര്ഡ്, അത്യാധുനിക ഉപകരണങ്ങള് തുടങ്ങിയ സംവിധാനങ്ങളാണ് ഒരുക്കിയിരുന്നത്.
കോഴിക്കോട് മെഡിക്കല് കോളേജ് ഐ.എം.സി.എച്ച്, വയനാട് മാനന്തവാടി മെഡിക്കല് കോളേജ് എന്നീ ആശുപത്രികള് മുസ്കാന് സര്ട്ടിഫിക്കേഷന് കഴിഞ്ഞ വര്ഷം നേടിയിട്ടുണ്ട്. സംസ്ഥാനത്ത് ആകെ 200 ആശുപത്രികള് ദേശീയ ഗുണനിലവാര അംഗീകാരമായ എന്.ക്യു.എ.എസ്. നേടി. ഇത് കൂടാതെ പ്രസവം നടക്കുന്ന ആശുപത്രികളെ ദേശീയ ലക്ഷ്യ സ്റ്റാന്റേഡിലേക്ക് ഉയര്ത്തി വരുന്നു. 12 ആശുപത്രികള്ക്കാണ് ദേശീയ ലക്ഷ്യ സര്ട്ടിഫിക്കേഷന് ലഭിച്ചത്. കൂടുതല് ആശുപത്രികളെ ദേശീയ ഗുണനിലവാരത്തിലേക്ക് ഉയര്ത്താനുള്ള പ്രവര്ത്തനങ്ങളാണ് നടക്കുന്നതെന്ന് മന്ത്രി വ്യക്തമാക്കി.
