കായംകുളം: പാരിപ്പളളി വയമ്പ് സാംസ്കാരിക വേദിയുടെ നേതൃത്വത്തിലുള്ള വയലാർ സ്മൃതിയാത്ര പരവൂർ ദേവരാജ സ്മൃതി കേന്ദ്രത്തിൽ ആരംഭിച്ച് വയലാർ സ്മൃതി മണ്ഡപത്തിൽ സമാപിക്കും. കവി കുരീപ്പുഴ ശ്രീകുമാറും പിന്നണിഗായിക ആലിസും നയിക്കുന്ന സ്മൃതിയാത്രക്ക് കായംകുളം എസ്എൻഡിപി.യൂണിയൻ ഹാളിൽ വെച്ച് സ്വീകരണം നൽകി. സ്വീകരണ സമ്മേളനം കവി കുരീപ്പുഴ ശ്രീകുമാർ ഉത്ഘാടനം ചെയ്തു. എസ്. എൻ. ഡി. പി. യൂണിയൻ സെക്രട്ടറി പി.പ്രദീപ് ലാൽ അദ്യക്ഷത വഹിച്ചു. വി.രാധാകൃഷ്ണൻ, ഒരനല്ലൂർബാബു, റൂവൽ സിംഗ്, പി.എസ്. ലീന എന്നിവർ സംസാരിച്ചു. തുടർന്നു കാവ്യർച്ചനയും ഗാനാർച്ചനയും നടന്നു. സ്മൃതി യാത്ര കാവ്യഫലകം ഗായിക ആലീസ് യൂണിയൻ സെക്രട്ടറി പി. പ്രദിപ് ലാലിന് സമ്മാനിച്ചു. വിവിധ സാംസ്കാരിക സംഘടനകൾ
സ്വീകരണ യോഗത്തിന് സ്വീകരണ നൽകി. യൂണിയൻ വൈസ് പ്രസിഡൻ്റ് കോലത്തു ബാബു,പനയ്ക്കൽ ദേവരാജൻ എന്നിവർ സ്വീകരണം നൽകി.
വയലാർ സ്മൃതി യാത്ര
