25 കുടുംബങ്ങൾക്ക് കോഴിയും കൂടും വിതരണം ചെയ്തു

എറണാകുളം: അങ്കമാലി അതിരൂപതയുടെ സാമൂഹ്യ പ്രവർത്തന വിഭാഗമായ സഹൃദയ  കാരീത്താസ് ഇറ്റാലിയാനയുമായി സഹകരിച്ചു ഭിന്നശേഷിക്കാർക്കായി നടപ്പിലാക്കുന്ന സ്വയംതൊഴിൽ പദ്ധതിയുടെ ഭാഗമായി  25 കുടുംബങ്ങൾക്ക് കോഴിയും കൂടും വിതരണം ചെയ്തു. പൊന്നുരുന്നി  സഹൃദയയിൽ സംഘടിപ്പിച്ച യോഗത്തിൽ എറണാകുളം  ജില്ലാ പഞ്ചായത്ത്‌ വൈസ് പ്രസിഡന്റ്‌ അഡ്വക്കേറ്റ് എൽസി  ജോർജ് പദ്ധതിയുടെ ഉദ്ഘാടനം   നിർവഹിച്ചു. സഹൃദയ എക്സിക്യൂട്ടീവ് ഡയറക്ടർ ഫാ. ജോസഫ് കൊളുത്തുവെള്ളിൽ  അധ്യക്ഷത വഹിക്കുകയും പദ്ധതി വിശദീകരണം നടത്തുകയും ചെയ്തു. വാർഡ് കൗൺസിലർ സക്കീർ തമ്മനം, സഹൃദയ അസിസ്റ്റന്റ് ഡയറക്ടർ ഫാദർ സിബിൻ മനയമ്പിളി, ഫാ.ജോസഫ് കൊടിയൻ, പ്രോഗ്രാം ഓഫിസർ കെ. ഒ. മാത്യുസ്, പ്രൊജക്റ്റ്‌ കോർഡിനേറ്റർ സെലിൻ പോൾ, എന്നിവർ സംസാരിച്ചു. ജോസ് പോൾ പരിശീലനപരിപാടിക്ക് നേതൃത്വം നൽകി.