കൊച്ചി: സ്വാതന്ത്ര്യ ദിന അവധി കഴിഞ്ഞുള്ള വാരാന്ത്യത്തിലെ തിരക്ക് കണക്കിലെടുത്ത് സംസ്ഥാനത്ത് സ്പെഷ്യൽ ട്രെയിൻ പ്രഖ്യാപിച്ച് സതേൺ റെയിൽവേ. മംഗളൂരു – കൊച്ചുവേളി റൂട്ടിലാണ് സ്പെഷ്യൽ ട്രെയിൻ സർവീസ് നടത്തുക. ഓഗസ്റ്റ് 17 ശനിയാഴ്ച രാത്രി കൊച്ചുവേളിയിലേക്കും, ഞായറാഴ്ച വൈകീട്ട് മംഗളൂരുവിലേക്കും ഓരോ സർവീസാണ് പ്രഖ്യാപിച്ചിരിക്കുന്നത്. പ്രധാന സ്റ്റേഷനുകളിലെല്ലാം സ്പെഷ്യൽ ട്രെയിനിന് സ്റ്റോപ്പ് അനുവദിച്ചിട്ടുണ്ട്.
14 സ്ലീപ്പർ ക്ലാസ് കോച്ചുകളും മൂന്ന് ജനറൽ കോച്ചുകളുമാണ് സ്പെഷ്യൽ ട്രെയിനിനുള്ളത്. ടിക്കറ്റ് ബുക്കിങ് ഇതിനോടകം ആരംഭിച്ചിട്ടുണ്ട്. ശനിയാഴ്ച രാത്രി 07:30ന് മംഗളൂരു ജങ്ഷനിൽ നിന്ന് പുറപ്പെടുന്ന ട്രെയിൻ (060410) 08:03 ഓടെ കാസർകോട് എത്തും തുടർന്ന് 08:23 കാഞ്ഞങ്ങാട്, പയ്യന്നൂർ 08:44, കണ്ണൂർ 09:17, തലശേരി 09:39, വടകര 09:58, കോഴിക്കോട് 10:37, തിരൂർ 11:14, ഷൊർണൂർ 01:10, തൃശൂർ 01:55, ആലുവ 02:48, എറണാകുളം ജങ്ഷൻ 03;25, ആലപ്പുഴ 04:32, കായംകുളം 05:23. കൊല്ലം 06:16, കൊച്ചുവേളി 08:00 എന്നിങ്ങനെയാണ് വിവിധ സ്റ്റേഷനുകളിലെത്തുന്ന സമയം.
മടക്കയാത്ര കൊച്ചുവേളി മംഗളൂരു സ്പെഷ്യൽ ട്രെയിൻ (06042) ഞായറാഴ്ച വൈകീട്ട് 06:40നാണ് ആരംഭിക്കുക. കൊല്ലം 07:57, കായംകുളം 08:28, ആലപ്പുഴ 09:33, എറണാകുളം ജങ്ഷൻ 10:25, ആലുവ 10:50, തൃശൂർ 11:48, ഷൊർണൂർ 12:35, തിരൂർ 01:01, കോഴിക്കോട് 01:47, വടകര 02:20, തലശേരി 02:48, കണ്ണൂർ 03:16, പയ്യന്നൂർ 03:45, കാഞ്ഞങ്ങാട് 04:40, കാസർകോട് 05;01 സ്റ്റേഷനുകൾ പിന്നിട്ട് 07:00 മണിയ്ക്ക് മംഗളൂരു ജങ്ഷനിലെത്തും.
