കോട്ടയം: ശ്രീനാരായണ ജയന്തി പബ്ലിക് ബോട്ട് റേസ് ക്ലബ്ബ് വിവിധ മേഖലകളുടെ സഹകരണത്തോടെ തിരുവോണനാളിൽ
കോട്ടത്തോട്ടിൽ സംഘടിപ്പിക്കുന്ന 121 – മത് ശ്രീനാരായണ ജയന്തി കുമരകം മത്സരവള്ളംകളി സഹകരണ തുറമുഖ ദേവസ്വം വകുപ്പ് മന്ത്രി വിഎൻ വാസവൻ ഉദ്ഘാടനം ചെയ്യും. മത്സരവിജയികൾക്ക് ജില്ലാ പഞ്ചായത്ത് പ്രസിഡണ്ട് കെ വി ബിന്ദു സമ്മാനദാനം നിർവ്വഹിക്കും.
ശ്രീനാരായണഗുരുദേവൻ നൂറ്റാണ്ടുകൾക്ക് മുമ്പ് കുമരകം ഗ്രാമം സന്ദർശിച്ചതിന്റെ സ്മരണ പുതുക്കുന്നതിനായി നടത്തുന്ന മത്സരവള്ളംകളി രാവിലെ 10 ന് ക്ലബ്ബ് പ്രസിഡണ്ട് വി എസ് സുഗേഷ് പതാക ഉയർത്തുന്നത്തോടെ തുടക്കം കുറിക്കും.
ഉച്ചയ്ക്ക് 2 ന് ശ്രീകുമാരമംഗലം ക്ഷേത്രക്കടവിൽ നിന്ന് കളിവള്ളങ്ങളുടെ ഘോഷയാത്ര കോട്ടത്തോട്ടിൽ എത്തുന്ന സമയം മത്സരവള്ളംകളിയുടെ ഉദ്ഘാടന സമ്മേളനം ആരംഭിക്കും.
