തിരുവനന്തപുരം: ശ്രീചിത്ര ഇന്സ്റ്റിറ്റ്യൂട്ടില് ആദ്യമായി ഹൃദയമാറ്റ ശസ്ത്രക്രിയ നടക്കും. 12 വയസുകാരിക്കാണ് ഹൃദയം മാറ്റിവെയ്ക്കുന്നത്. മസ്തിഷ്ക മരണം സംഭവിച്ച കൊല്ലം സ്വദേശിനിയുടെ അധ്യാപികയുമായ ഡാലിയയുടെ ഹൃദയമാണ് 12 വയസുകാരിക്കു മാറ്റിവയ്ക്കുന്നത്. തിരുവനന്തപുരം കിംസ് ആശുപത്രിയില്നിന്നു ഹൃദയം ശ്രീചിത്ര മെഡിക്കല് ഇന്സ്റ്റിറ്റ്യൂട്ടില് എത്തിച്ചു.
ആന്തരിക രക്തസ്രാവത്തെ തുടര്ന്ന് തിരുവനന്തപുരത്തെ കിംസ് ആശുപത്രിയിലാണ് ഡാലിയ ചികിത്സ തേടിയത്. ഇന്നലെ വൈകീട്ടോടെയാണ് ഇവര്ക്ക് മസ്തിഷ്ക മരണം സംഭവിച്ചത്. തുടര്ന്ന് അവയവദാനത്തിന് അധ്യാപികയുടെ ബന്ധുക്കള് സന്നദ്ധത അറിയിക്കുകയായിരുന്നു. ഹൃദയം ഉള്പ്പെടെ അഞ്ചു അവയവങ്ങളാണ് പലര്ക്കുമായി ദാനം ചെയ്യുന്നത്.
12 വയസുള്ള തിരുവനന്തപുരം സ്വദേശിയായ അനുഷ്ക എന്ന പെണ്കുട്ടിക്കാണ് ഹൃദയം മാറ്റിവെയ്ക്കുന്നത്. കാര്ഡിയോ മയോപ്പതി എന്ന രോഗം ബാധിച്ച കുട്ടിയാണ് അനുഷ്ക. രക്തം പമ്പ് ചെയ്യുന്നതിന് അടക്കമുള്ള പ്രയാസമാണ് കാര്ഡിയോ മയോപ്പതി.
