ശബരിമല ഡ്യൂട്ടിക്കെത്തിയ പോലീസുകാരൻ കുഴഞ്ഞ് വീണ് മരിച്ചു

പത്തനംതിട്ട: ശബരിമല മാസപൂജയോടനുബന്ധിച്ച്‌ ഡ്യൂട്ടിക്ക് പോയ സിപിഒ കുഴഞ്ഞുവീണ് മരിച്ചു. തണ്ണിത്തോട് പൊലീസ് സ്റ്റേഷനിലെ സിപിഒ തിരുവനന്തപുരം വെള്ളനാട് പുതുമംഗലം എജെ നിവാസില്‍ അമല്‍ ജോസാണ് (28) മരിച്ചത്.

നീലിമല വഴി മലകയറുന്നതിനിടെയാണ് നെഞ്ചുവേദനയുണ്ടായത്. തുടർന്ന് പമ്പയിലെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.