വെളിയന്നൂർ ഗ്രാമപഞ്ചായത്ത് ലഹരി വിരുദ്ധ ജാഗ്രത സംഗമവും, സ്വരാജ് ട്രോഫി വിജയആഘോഷവും മന്ത്രി എം ബി രാജേഷ് ഉദ്ഘാടനം ചെയ്തു

വെളിയന്നൂർ ഗ്രാമപഞ്ചായത്ത് ലഹരി വിരുദ്ധ ജാഗ്രത സംഗമവും, സ്വരാജ് ട്രോഫി വിജയആഘോഷവും മന്ത്രി എം ബി രാജേഷ് ഉദ്ഘാടനം ചെയ്തു. ലഹരിവിപത്തിനെ ചെറുക്കാൻ എല്ലാ വിഭാഗം ജനങ്ങളെയും വിവിധ വകുപ്പുകളെയും സ്ഥാപനങ്ങളെയും ഏകോപിപ്പിച്ച് നിലവിലുള്ള എല്ലാ ക്യാമ്പയിനുകളും സംയോജിപ്പിച്ച് അതിവിപുലമായ ലഹരി വിരുദ്ധ ക്യാമ്പയിൻ വെളിയന്നൂർ ഗ്രാമപഞ്ചായത്തിൽ നടപ്പാക്കുന്നതിൻ്റെ ഭാഗമായി സംഘടിപ്പിച്ച ലഹരി വിരുദ്ധ ജാഗ്രത സദസ്സ് തദ്ദേശസ്വയം ഭരണ എക്സൈസ് പാർലമെൻ്ററികാര്യ മന്ത്രി എം ബി രാജേഷ് ഉദ്ഘാടനം ചെയ്തു മോൻസ് ജോസഫ് എം എൽ എ അദ്ധ്യക്ഷനായി ഫ്രാൻസീസ് ജോർജ് എം പി മുഖ്യപ്രഭാഷണം നടത്തി ലഹരി വിരുദ്ധ ക്യാമ്പയിൻ്റെ ഭാഗമായി ഏപ്രിൽ 13 ന് പഞ്ചായത്തിലെ എല്ലാ പൊതുസ്ഥാപനങ്ങളിലും 26, 27 തിയതികളിൽ എല്ലാ അയൽകൂട്ടങ്ങളിലും ലഹരി വിരുദ്ധ പ്രതിജ്ഞ എടുക്കും , ഏപ്രിൽ 12 മുതൽ വാർഡുതല ഗ്രാമസഭ ചേർന്ന് ലഹരിക്കെതിരായ ജാഗ്രത പ്രവർത്തനങ്ങൾ വാർഡുതലങ്ങളിൽ ശക്തിപ്പെടുത്തും. ചടങ്ങിൽ ജില്ല പഞ്ചായത്ത് പ്രസിഡൻ്റ് ഹേമലത പ്രെംസാഗർ, ബ്ലോക്ക് പഞ്ചായത്ത് പ്രസിഡൻ്റ് രാജൂ ജോൺ ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ പി.എം മാത്യു, വെളിയന്നൂർ ഗ്രാമ പഞ്ചായത്ത് വൈസ് പ്രസിഡന്റ് ജിനി ചാക്കോ, സ്ഥിരം സമിതി അദ്ധ്യക്ഷൻമാരായ സണ്ണി പുതിയിടം, ജോമോൻ ജോണി,അർച്ചന രതീഷ് ഗ്രാമ പഞ്ചായത്ത് അംഗങ്ങളായ തങ്കമണി ശശി, ജിമ്മി ജെയിംസ്, ബിന്ദു ഷിജൂ, ബിന്ദു സുരേന്ദ്രൻ, ഉഷ സന്തോഷ് സെക്രട്ടറി ജിജി റ്റി , സി ഡി എസ് ചെയർപെഴ്സൺ അശ്വതി ദിപിൻ, അസ്സിൻ്റൻ്റ് എക്സൈസ് കമ്മീഷണർ എം സൂരജ് , അഡീഷണൻ ജില്ല മജിസ്ട്രേറ്റ് എസ് ശ്രീജിത്ത്, സി പി ഐ (എം) ലോക്കൽ സെക്രട്ടറി സി കെ രാജേഷ് കോൺഗ്രസ് (ഐ) മണ്ഡലം പ്രസിഡൻ്റ് എം ശ്രീകുമാർ, കേരള കോൺഗ്രസ് എം മണ്ഡലം വൈസ് പ്രസിഡന്റ് ബേബിച്ചൻ കണ്ടനാമറ്റം, കേരള കോൺഗ്രസ് മണ്ഡലം പ്രസിഡന്റ് ജോർജ് കൊറ്റംകൊമ്പിൽ എന്നിവർ സംസാരിച്ചു. ചടങ്ങിൽ വച്ച് ഭരണ വികസന ക്ഷേമ പ്രവർത്തനങ്ങൾ വിലയിരുത്തി മികച്ച പ്രകടനം കാഴ്ചവയ്ക്കുന്ന തദ്ദേശ സ്വയം ഭരണ സ്ഥാപനങ്ങൾക്ക് സംസ്ഥാന സർക്കാർ നൽകുന്ന സ്വരാജ് ട്രോഫി പുരസ്‌കാരത്തിൽ സംസ്ഥാനത്ത് ഒന്നാം സ്ഥാനം കരസ്ഥമാക്കിയ വെളിയന്നൂർ ഗ്രാമപഞ്ചായത്തിനെ ഈ നേട്ടത്തിൽ എത്തിക്കുന്നതിൽ നേതൃത്വം നൽകിയവരെ അഡ്വ മോൻസ് ജോസഫ് എം എൽ എ ആദരിച്ചു.