ഭരണഘടനയുടെ ആമുഖം വായിക്കുന്ന ക്യാമ്പയിൻ രാജ്യവ്യാപകമായി തുടങ്ങുമെന്ന് പ്രധാനമന്ത്രി നരേന്ദ്രമോദി

ഭരണഘടനയുടെ ആമുഖം വായിക്കുന്ന ക്യാമ്പയിൻ രാജ്യവ്യാപകമായി തുടങ്ങുമെന്ന് പ്രധാനമന്ത്രി നരേന്ദ്രമോദി പറഞ്ഞു. പ്രധാനമന്ത്രിയുടെ പ്രതിമാസ റേഡിയോ പരിപാടിയായ മൻ കി ബാത്തിന്റെ 2024ലെ അവസാന എപ്പിസോഡിലാണ് അദ്ദേഹം ഇക്കാര്യം വ്യക്തമാക്കിയത്.ഇന്ത്യൻ ഭരണഘടന പൗരന്മാർക്ക് വഴികാട്ടിയാണെന്നും പൗരന്മാരിലേക്ക് ഭരണഘടനയെ കൂടുതൽ അടുപ്പിക്കലാണ് ലക്ഷ്യമെന്നും അദ്ദേഹം പറഞ്ഞു. 2025 ജനുവരി 26ന് നമ്മുടെ ഭരണഘടന അതിന്റെ 75 വർഷം പൂർത്തിയാക്കുകയാണെന്നും ഭരണഘടന നമുക്ക് വഴികാട്ടുന്ന വെളിച്ചമാണെന്നും പ്രധാനമന്ത്രി പറഞ്ഞുപൗരന്മാരെ ഭരണഘടനയുടെ പൈതൃകവുമായി ബന്ധിപ്പിക്കുന്നതിന് സർക്കാർ പുറത്തിറക്കിയ പ്രത്യേക വെബ്സൈറ്റിലൂടെ ഭരണഘടനയുടെ ആമുഖം വായിക്കുന്ന വീഡിയോ നിങ്ങൾക്ക് അപ്‌ലോഡ് ചെയ്യാം. വിവിധ ഭാഷകളിൽ ഭരണഘടന വായിക്കാനും ഭരണഘടനയെ കുറിച്ച് ചോദ്യങ്ങൾ ചോദിക്കാനും കഴിയും. മൻ കി ബാത്ത് കേൾക്കുന്നവരും സ്കൂൾ- കോളേജ് വിദ്യാർത്ഥികളും തീർച്ചയായും വെബ്സൈറ്റ് സന്ദർശിച്ച് അതിൻറെ ഭാഗമാകാൻ അഭ്യർത്ഥിക്കുന്നെന്നു മോദി പറഞ്ഞു.