സിംഗപ്പൂര്: ഇന്ത്യയും സിംഗപ്പൂരുമായുള്ള സൗഹൃദം ലക്ഷ്യമാക്കികൊണ്ട് പ്രധാനമന്ത്രി നരേന്ദ്ര മോദി രണ്ട് ദിവസത്തെ സന്ദര്ശനത്തിനായി സിംഗപ്പൂരിലെത്തി. ഏഷ്യന് രാജ്യത്തുനിന്നുള്ള നിക്ഷേപം ആകര്ഷിക്കുന്നതിനും രണ്ട് രാജ്യങ്ങളും തമ്മിലുള്ള നയതന്ത്ര ബന്ധം ശക്തിപ്പെടുത്തുന്നതിനുമായിയാണ് സന്ദര്ശനം നടത്തുന്നത്.
ആറ് വര്ഷത്തിന് ശേഷം സിംഗപ്പൂര് സന്ദര്ശിക്കുന്ന പ്രധാനമന്ത്രി സിംഗപ്പൂര് പ്രസിഡന്റ് തര്മന് ഷണ്മുഖരത്നവുമായി കൂടിക്കാഴ്ച നടത്തും. ആരോഗ്യം, നൈപുണ്യ ശേഷി, ഡിജിറ്റല് മേഖല എന്നിവയില് കൈകോര്ക്കാനുള്ള പദ്ധതികള്ക്ക് ധാരണയാകുമെന്നാണ് വിവരം.
