‘കേരളപ്പെൺകവികൾ’ – ദ വിമെൻ പോയറ്റ്സ് ഫോറം ഓഫ് കേരളയുടെ സാഹിത്യോത്സവമായ ‘പോയറ്റ ഫെസ്റ്റ് 2024’ -ന് കാലിക്കറ്റ് യൂണിവേഴ്സിറ്റിയിൽ വേദിയൊരുങ്ങുന്നു.
ഒക്ടോ. 25,26 തീയതികളിൽ നടത്തപ്പെടുന്ന സാംസ്കാരികോത്സവത്തിൽ സാഹിത്യ- സാംസ്കാരിക രംഗത്തെ പ്രമുഖർ പങ്കെടുക്കുന്നു. മുഖ്യ പ്രഭാഷകർ ഫൗസിയ ഫാത്തിമ (സംവിധായിക), സുകീർത്ത റാണി (തമിഴ് കവി) എന്നിവരാണ്. ‘സർഗാത്മകത, സ്വാതന്ത്ര്യം, സമൂഹം’ എന്ന മുഖ്യവിഷയത്തെ അടിസ്ഥാനമാക്കിയുള്ള ചർച്ചകളിൽ ഡോ. മാളവിക ബിന്നി , ആശാലത, ഡോ കവിതാ ബാലകൃഷ്ണൻ, എം ആർ രേണുകുമാർ , ആർ. രാജഗോപാൽ , പി . എൻ . ഗോപീകൃഷ്ണൻ,ലീല സന്തോഷ്, സാറാ ഹുസൈൻ, ഡോ എം. ബി. മനോജ്, ഡോ. കെ. എസ്. മാധവൻ, തുടങ്ങി സാംസ്കാരിക രംഗത്തെ ഒട്ടേറെ പ്രമുഖ വ്യക്തിത്വങ്ങൾ പങ്കെടുക്കും.
സ്ത്രീ സർഗാത്മകതുടെ സ്വാതന്ത്ര്യോത്സവമായി ആഘോഷിക്കപ്പെടുന്ന പോയറ്റ ഫെസ്റ്റിൻ്റെ മൂന്നാം ഭാഗമാണിത്. പോയറ്റഫെസ്റ്റിൽ കവിതാവതരണങ്ങൾക്കും ചർച്ചകൾക്കുമൊപ്പം പ്രശസ്ത ബാവുൽ സംഗീതജ്ഞയായ ശാന്തിപ്രിയ പങ്കെടുക്കുന്ന ബാവുൽ സംഗീത പരിപാടിയുമുണ്ടായിരിക്കുന്നതാണ്.
