അമ്പലപ്പുഴ: പുന്നപ്ര വടക്ക് മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ ഉമ്മൻചാണ്ടി അനുസ്മരണവും അസീസി പാലിയേറ്റീവ് കാൻസർ കെയർ സെന്ററിലേക്കുള്ള ഭക്ഷ്യധാന്യ വിതരണവും നടന്നു. ഭക്ഷ്യധാന്യങ്ങൾ സിസ്റ്റർ വർഷിതയ്ക്ക് കൈമാറി. അനുസ്മരണ സമ്മേളനം കെ.പി.സി.സി. ജനറൽ സെക്രട്ടറി എം. ജെ. ജോബ് ഉദ്ഘാടനം ചെയ്തു.
പുന്നപ്ര സെന്റ് ജോസഫ് ഫൊറോന ചർച്ച് വികാരി ഫാ. ആന്റണി കട്ടിക്കാട് മുഖ്യപ്രഭാഷണം നടത്തി. മണ്ഡലം കോൺഗ്രസ് കമ്മിറ്റി പ്രസിഡന്റ് പി. വി. ഷാജി അധ്യക്ഷത വഹിച്ചു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് ടി. എ. ഹാമീദ്, എ. ആർ കണ്ണൻ, സാജൻ എബ്രഹാം, പി. ഉദയകുമാർ, എ. ജി. ഹരിചന്ദ്രൻ,പ്രിറ്റി തോമസ്,മിനിമോൾ, ഗീത രാജു, മേരി ഡെന്നിസ്, മറിയാമ്മ ഔസേപ്പ്, തമ്പി,ശ്രീകല, സ്മിത,കുഞ്ഞുമോൻ, പി. എസ്. ബോസ്, എ.എസ്. തോമസ് തുടങ്ങിയവർ സംസാരിച്ചു.
