നെടുമ്പാശേരി: നെടുമ്പാശേരി വിമാനത്താവളത്തിൽ കർശന പരിശോധന യാത്രക്കാർ നേരത്തെ എത്തണമെന്ന് അധികൃതർ. സ്വാതന്ത്ര്യ ദിനത്തോട് അനുബന്ധിച്ച് വിമാനത്താവളത്തിലെ സുരക്ഷാ പരിശോധനകൾ വർദ്ധിപ്പിച്ചു. പതിവ് സുരക്ഷാ പരിശോധനകൾ കൂടുതൽ കർശനമാക്കി നടപ്പിലാക്കാനാണ് തീരുമാനിച്ചിരിക്കുന്നത്.
ഇതിൻ്റെ ഭാഗമായി വിമാനത്താവളത്തിലെ വിവിധ പ്രക്രിയകള്ക്ക് കൂടുതല് സമയം എടുത്തേക്കാമെന്നും അതിനാല് യാത്രക്കാര് നേരത്തെ വിമാനത്താവളത്തില് എത്തിച്ചേരണമെന്നും സിയാല് അധികൃതർ അറിയിച്ചു. ബ്യൂറോ ഓഫ് സിവില് ഏവിയേഷന് സെക്യൂരിറ്റിയുടെ നിര്ദേശ പ്രകാരമാണ് നടപടി.
ആഗസ്റ്റ് 20 വരെയാണ് സുരക്ഷാ പരിശോധനകൾ വർദ്ധിപ്പിച്ചിരിക്കുന്നത്.
