മലപ്പുറം: ഇന്നലെ പുറത്തുവന്ന 17 സാമ്ബിള് ഫലങ്ങള് കൂടി നെഗറ്റീവ്. പാണ്ടിക്കാട്, ആനക്കയം പഞ്ചായത്തുകളില് നിരീക്ഷണം തുടരും. നിലവില് 460 പേരാണ് നിരീക്ഷണത്തില് ഉള്ളത് ഇതില് 260 പേര് ഹൈ റിസ്ക് വിഭാഗത്തില് ഉള്പ്പെട്ടവരാണ്. ക്വാറന്റീനില് ഉള്ളവര് 21 ദിവസം തുടരണമെന്നും ആരോഗ്യമന്ത്രി വീണാ ജോര്ജ് നിര്ദ്ദേശിച്ചു.
അതിനിടെ സംസ്ഥാനത്ത് നിപ സ്ഥിരീകരിച്ച പശ്ചാത്തലത്തില് അതിര്ത്തികളില് തമിഴ്നാട് പരിശോധന കര്ശനമാക്കി. ഇത് തെറ്റായ സമീപനമാണെന്നും തമിഴ്നാടുമായി ആശയവിനിനയം നടത്തിയെന്നും വീണ ജോര്ജ് വ്യക്തമാക്കി.
അതേസമയം പൂനെയില് നിന്നുള്ള മൊബൈല് ലാബ് പ്രവര്ത്തനം ആരംഭിച്ചു. അടുത്ത ദിവസം ലാബിന്റെ പ്രവര്ത്തനം മഞ്ചേരി മെഡിക്കല് കോളജിലേക്ക് മാറ്റും. കേന്ദ്രസംഘം ഇന്ന് വവ്വാലുകളില് നിന്ന് സാമ്ബിളുകള് ശേഖരിച്ച് തുടങ്ങി. ഭോപാലില് നിന്നുള്ള മൃഗസംരക്ഷണ വകുപ്പ് സംഘം അടുത്ത ദിവസം ജില്ലയില് എത്തും. ഇതിനിടയില് നിപയുമായി ബന്ധപ്പെട്ട് സമൂഹമാധ്യമങ്ങളില് വ്യാജ പ്രചാരണം നടത്തിയ രണ്ട് പേര്ക്ക് എതിരെ പോലീസ് കേസ് എടുത്തു.
