ദേ​ശീ​യ​പാ​ത നി​ർ​മാ​ണ​ത്തി​ൽ അ​പ​ക​ട ഭീ​തി ഉ​യ​ർ​ത്തി ക​ഴ​ക്കൂ​ട്ടം -ക​ട​മ്പാ​ട്ടു​കോ​ണം റീ​ച്ചി​ലെ കൂ​റ്റ​ൻ മ​ൺ​തി​ട്ട​ക​ൾ

ആ​റ്റി​ങ്ങ​ൽ: ദേ​ശീ​യ​പാ​ത നി​ർ​മാ​ണ​ത്തി​ൽ അ​പ​ക​ട ഭീ​തി ഉ​യ​ർ​ത്തി ക​ഴ​ക്കൂ​ട്ടം -ക​ട​മ്പാ​ട്ടു​കോ​ണം റീ​ച്ചി​ലെ കൂ​റ്റ​ൻ മ​ൺ​തി​ട്ട​ക​ൾ. നി​ല​വി​ലെ ദേ​ശീ​യ​പാ​ത ആ​റു​വ​രി​യാ​യി വി​ക​സി​പ്പി​ക്കു​ന്ന​തി​ന്​ ന​ട​ത്തി​യ നി​ർ​മ്മാ​ണ പ്ര​വ​ർ​ത്ത​ന​ങ്ങ​ളി​ലൂ​ടെ​യാ​ണ് വി​വി​ധ മേ​ഖ​ല​ക​ളി​ൽ റോ​ഡ​രി​കി​ൽ വ​ലി​യ ഉ​യ​ര​ത്തി​ലു​ള്ള മ​ൺ തി​ട്ട​ക​ൾ രൂ​പ​പ്പെ​ട്ട​ത്. കോ​രാ​ണി​ക്കും ചെ​മ്പ​ക​മം​ഗ​ല​ത്തി​നി​ട​യി​ൽ റോ​ഡി​ന്‍റെ ഒ​രു വ​ശം ഉ​യ​ർ​ന്ന പ്ര​ദേ​ശ​മാ​ണ്. ഈ ​മേ​ഖ​ല​യി​ലാ​ണ് 25 അ​ടി ഉ​യ​ര​മു​ള്ള മ​ൺ​തി​ട്ട​യു​ള്ള​ത്. സാ​ധാ​ര​ണ​യി​ൽ നി​ന്നും വ്യ​ത്യ​സ്ത​മാ​യി ഈ ​മ​ൺ തി​ട്ട​യു​ടെ അ​ടി​ഭാ​ഗം ഉ​ള്ളി​ലേ​ക്ക് കു​ഴി​ച്ചാ​ണ് നി​ർ​മ്മാ​ണ പ്ര​വ​ർ​ത്ത​നം ന​ട​ത്തി​യി​രി​ക്കു​ന്ന​ത്. മു​ക​ൾ​ഭാ​ഗം ഒ​രു മീ​റ്റ​റോ​ളം റോ​ഡി​ലേ​ക്ക് ത​ള്ളി നി​ൽ​ക്കു​ക​യാ​ണ്. നി​ല​വി​ൽ അ​ടി​ഭാ​ഗ​ത്ത് ഓ​ട​യു​ടേ​ത്​ ഉ​ൾ​പ്പെ​ടെ​യു​ള്ള നി​ർ​മ്മാ​ണ പ്ര​വ​ർ​ത്ത​നം ന​ട​ക്കു​ക​യാ​ണ്. ഒ​രു സു​ര​ക്ഷി​ത​ത്വ​വും ഇ​ല്ലാ​തെ​യാ​ണ് തൊ​ഴി​ലാ​ളി​ക​ൾ ഈ ​മ​ൺ തി​ട്ട​ക്ക് അ​ടി​വ​ശ​ത്തു​നി​ന്ന് ജോ​ലി ചെ​യ്യു​ന്ന​ത്. ഉ​റ​പ്പു​ള്ള മ​ൺ തി​ട്ട​യാ​ണെ​ന്നും അ​തി​നാ​ൽ ഇ​ടി​ഞ്ഞു​വീ​ഴി​ല്ല എ​ന്നു​മാ​ണ് തൊ​ഴി​ലാ​ളി​ക​ളു​ടെ ആ​ത്മ​വി​ശ്വാ​സം. സാ​ധാ​ര​ണ​ഗ​തി​യി​ൽ നി​ർ​മ്മാ​ണ പ്ര​വ​ർ​ത്ത​നം ന​ട​ത്തു​മ്പോ​ൾ നി​ർ​മ്മാ​ണം ന​ട​ക്കു​ന്ന മേ​ഖ​ല​ക്ക്​ സ​മ​മാ​യി മു​ക​ൾ​ഭാ​ഗം വ​രെ മ​ൺ​ത​ട്ട് ഇ​ടി​ച്ചു മാ​റ്റേ​ണ്ട​തു​ണ്ട്. അ​തി​നു​ശേ​ഷം സം​ര​ക്ഷ​ണ​ഭി​ത്തി​യും ഒ​രു​ക്ക​ണം. ഇ​വി​ടെ അ​തും ര​ണ്ടും ചെ​യ്യാ​തെ മ​ൺ​ത​ട്ട​യു​ടെ അ​ടി​വ​ശം ഉ​ള്ളി​ലേ​ക്ക് കു​ഴി​ച്ച്​ നി​ർ​മ്മാ​ണ പ്ര​വ​ർ​ത്ത​നം തു​ട​രു​ക​യാ​ണ്. ക​ഴി​ഞ്ഞ ദി​വ​സ​ങ്ങ​ളി​ൽ മ​ല​പ്പു​റം കൂ​രി​യാ​ട്​ ദേ​ശീ​യ പാ​ത​യി​ലു​ണ്ടാ​യ ത​ക​ർ​ച്ച​യു​ടെ പ​ശ്ചാ​ത്ത​ല​ത്തി​ൽ കോ​രാ​ണി​ക്കു സ​മീ​പ​ത്തെ ഈ ​മ​ൺ തി​ട്ട ആ​ശ​ങ്ക ഉ​യ​ർ​ത്തു​ന്നു​ണ്ട്. ദേ​ശീ​യ​പാ​ത​യു​ടെ ക​ഴ​ക്കൂ​ട്ടം ക​ട​മ്പാ​ട്ടു​കോ​ണം റീ​ച്ചി​ൽ ആ​റ്റി​ങ്ങ​ൽ ബൈ​പാ​സ് വ​രു​ന്ന മേ​ഖ​ല​യി​ൽ സ​മാ​ന രീ​തി​യി​ൽ വി​വി​ധ സ്ഥ​ല​ങ്ങ​ളി​ലാ​യി ഉ​യ​ർ​ന്ന പ്ര​ദേ​ശ​ങ്ങ​ളി​ൽ റോ​ഡ് ഇ​ടി​ച്ചു താ​ഴ്ത്തി​യാ​ണ് ആ​റു​വ​രി​പ്പാ​ത ക​ട​ന്നു​പോ​കു​ന്ന​ത്. ക​ട​യ്ക്കാ​വൂ​ർ പ​ഞ്ചാ​യ​ത്തി​ലെ പാ​ലാം​കോ​ണം മേ​ഖ​ല​യി​ൽ സ​മാ​ന​രീ​തി​യി​ൽ 25 അ​ടി താ​ഴ്ച​യി​ൽ വ​രെ മ​ണ്ണി​ടി​ച്ചു മാ​റ്റി​യി​ട്ടു​ണ്ട്. ഇ​വി​ടെ റോ​ഡി​ന്‍റെ ഇ​രു​വ​ശ​വും ഉ​യ​ർ​ന്നു നി​ൽ​ക്കു​ക​യാ​ണ്. നി​ര​വ​ധി വീ​ടു​ക​ളാ​ണ് ഈ ​ഭാ​ഗ​ങ്ങ​ളി​ൽ മ​ൺ തി​ട്ട​ക്കു അ​രി​കി​ലാ​യി സ്ഥി​തി​ചെ​യ്യു​ന്ന​ത്.