ജൈവ കാർഷിക മിഷൻ പദ്ധതിയുടെ ഭാഗമായുള്ള കിറ്റ് വിതരണം നടത്തി

ചെങ്ങമനാട്: ഓരോ കുടുംബത്തിനും ആവശൃമായ ഭക്ഷൃവസ്തുക്കൾ സ്വയം ഉല്പാദിപ്പിക്കുന്നതിന് സഹായകമാകുന്ന ജൈവ കാർഷിക മിഷൻ പദ്ധതിയുടെ ഭാഗമായുള്ള കിറ്റ് വിതരണം ശ്രീമൂലനഗരം ഗ്രാമപഞ്ചായത്തിൽ പ്രസിഡൻറ് വി എം ഷംസുദ്ദീൻ ഉദ്ഘാടനം ചെയ്തു. പച്ചക്കറി തൈകൾ, പച്ചക്കറി വളം, വെർമി കമ്പോസ്റ്റ്, വേപ്പെണ്ണ, ഫിഷ് അമിനോ ആസിഡ് തുടങ്ങി സമ്പൂർണ്ണ ജൈവ കൃഷി കിറ്റാണ് പദ്ധതിയുടെ ഭാഗമായി വിതരണം നടത്തിയത്. പഞ്ചായത്തിലെ വിവിധ വാർഡുകളിലെ തെരഞ്ഞെടുത്ത കർഷകർക്കായി 60 കിറ്റുകൾ വിതരണം ചെയ്തു. കെ സി മാർട്ടിൻ, ജാരിയാ കബീർ, സിപി മുഹമ്മദ്, ഡാർലി ജീമോൻ, കെ പി സുകുമാരൻ, പി കെ ബിജു , കൃഷി ഓഫീസർ രജിതാ രാധാകൃഷ്ണൻ അടിയോടി എന്നിവർ ചടങ്ങിൽ പ്രസംഗിച്ചു.