കൊച്ചി: അന്തരിച്ച സിപിഎം ജില്ലാ സെക്രട്ടറി എവി റസലിന്റെ വിയോഗത്തില് അനുശോചനം രേഖപ്പെടുത്തി മുഖ്യമന്ത്രി പിണറായി വിജയന്. ജനങ്ങള്ക്കാകെ സുസമ്മതനായ പൊതുപ്രവര്ത്തകനായിരുന്നു റസല്. അദ്ദേഹത്തിന്റെ വിയോഗം പാര്ട്ടിക്ക് കനത്ത പ്രയാസമുണ്ടാക്കുന്നതാണെന്ന് പിണറായി വിജയന് കൊച്ചിയില് മാധ്യമങ്ങളോട് പറഞ്ഞു.
ചെന്നൈ അപ്പോളോ ആശുപത്രിയില് ശസ്ത്രക്രിയ വിജയകരമായി കഴിഞ്ഞ് നാട്ടിലേക്ക് മടങ്ങാനുള്ള തയ്യാറെടുപ്പിലായിരുന്നു റസല്. അതിന്റെ ഭാഗമായി ചെന്നൈയിലെ ഹോട്ടലില് തുടരുകയായിരുന്നു. ആശുപത്രിയില് പരിശോധനയ്ക്ക് പോയി തിരിച്ച് ഹോട്ടലില് എത്തിയപ്പോള് കുഴഞ്ഞുവീഴുകയായിരുന്നു. ശക്തമായ ഹൃദയാഘാതം ഉണ്ടായി. ജീവന് രക്ഷപ്പെടുത്താനായില്ലെന്ന് പിണറായി പറഞ്ഞു
