തിരുവനന്തപുരം: ഇലക്ട്രിക് വാഹനങ്ങളുടെ എണ്ണം വർധിക്കുന്ന സാഹചര്യം കണക്കിലെടുത്ത് ഇലക്ട്രിക് ചാർജിങ് സ്റ്റേഷൻ ആരംഭിക്കാൻ കെഎസ്ആർടിസി. തെരഞ്ഞെടുത്ത ഡിപ്പോകളിൽ ചാർജിങ് സ്റ്റേഷനുകൾ ആരംഭിക്കാനാണ് നീക്കം. ഇതിൻ്റെ ഭാഗമായി യോഗ്യരായ സംരംഭകരിൽ നിന്നും ടെണ്ടർ ക്ഷണിച്ചു. മൂന്നാർ, വിതുര, സുൽത്താൻ കെഎസ്ആർടിസി ബത്തേരി ഡിപ്പോകളിൽ ഇലക്ട്രിക് ചാർജിങ് സ്റ്റേഷൻ നിർമിക്കാണ് കെഎസ്ആർടിസി ഒരുങ്ങുന്നത്. യോഗ്യരായ സംരംഭകർക്ക് www.etenders.kerala.gov.in എന്ന വെബ്സൈറ്റിലൂടെ അപേക്ഷകൾ സമർപ്പിക്കാവുന്നതാണെന്ന് കെഎസ്ആർടിസി അറിയിച്ചു. ES04/40/ 2024 ആണ് ടെണ്ടർ നമ്പർ. 16/ 11/ 2024 മുതൽ ടെണ്ടർ ആരംഭിച്ചു. ടെണ്ടർ സമർപ്പിക്കാവുന്ന അവസാന തീയതി 30/ 11/2024 വൈകിട്ട് 5 മണിവരെയാണ്. ടെണ്ടർ തുറക്കുന്ന തീയതി 02/ 12/2024 ആണ്. www.etenders.kerala.gov.in സൈറ്റ് മുഖേനെ ടെണ്ടർ സമർപ്പിക്കാവുന്നതാണ്.
അപേക്ഷകർക്കായുള്ള വ്യവസ്ഥകൾ
1) പദ്ധതി ബിൽഡ് ആൻഡ് ഓപ്പറേറ്റ് മാതൃകയിലായിരിക്കും
2) വർഷത്തിൽ എല്ലാ ദിവസവും പ്രതിദിനം 24 മണിക്കൂറും പൊതുജനങ്ങൾക്ക് സേവനം നൽകുന്ന രീതിയിലായിരിക്കണം ചാർജിങ് സ്റ്റേഷൻ
3) ടെണ്ടറിൽ യോഗ്യത നേടുന്നവർ ഇതിലേക്കായി പ്രത്യേക സോഫ്ട്വെയർ തയ്യാർ ചെയ്യേണ്ടതാണ്.
4) യോഗ്യത നേടി നാല് മാസത്തിനകം നിർമാണ പ്രവർത്തികൾ പൂർത്തീകരിക്കേണ്ടതാണ്.
ഇലക്ട്രിക് ചാർജിങ് സ്റ്റേഷൻ ആരംഭിക്കുന്നതുമായി ബന്ധപ്പെട്ട കൂടുതൽ വിവരങ്ങൾക്കും സംശയനിവാരണങ്ങൾക്കുമായി 9995707131, 9188619384 എന്നീ മൊബൈൽ നമ്പരുകളിൽ ബന്ധപ്പെടാം. estate@kerala.gov.in എന്ന ഇ മെയിൽ വിലാസത്തിലൂടെയും ബന്ധപ്പെട്ട് വിവരങ്ങൾ ശേഖരിക്കാവുന്നതാണെന്ന് കെഎസ്ആർടിസി അറിയിച്ചു.
