കൊച്ചി: നടി കവിയൂര് പൊന്നമ്മ അന്തരിച്ചു. 79 വയസ്സായിരുന്നു. അന്ത്യം കൊച്ചി ലിസി ആശുപത്രിയിൽ. കഴിഞ്ഞ കുറച്ചു ദിവസങ്ങളായി ചികിത്സയിലായിരുന്നു. ആറര പതിറ്റാണ്ടോളം നീണ്ട സിനിമ ജീവിതത്തിനാണ് തിരശീല വീണത്. 700 ഓളം സിനിമകളിൽ അഭിനയിച്ചു.
മലയാള സിനിമയിലെ ഏറ്റവും പ്രിയപ്പെട്ട ‘അമ്മ’ യായി വിശേഷിപ്പിക്കപ്പെട്ട നടിയായിരുന്നു കവിയൂര് പൊന്നമ്മ. സിനിമയ്ക്കൊപ്പം ടെലിവിഷന് സീരിയലുകളിലും നടി സജീവമായിരുന്നു. മാത്രമല്ല, സിനിമാ-നാടക പിന്നണി ഗാനരംഗത്തും പൊന്നമ്മ കഴിവ് തെളിയിച്ചിട്ടുണ്ട്. നിര്മാതാവായ മണിസ്വാമിയെയായിരുന്നു കവിയൂര് പൊന്നമ്മ വിവാഹം കഴിച്ചത്. 2011 ല് മണിസ്വാമി അന്തരിച്ചു. മകള് ബിന്ദു അമേരിക്കയിലാണ് താമസിക്കുന്നത്.
