കളമശ്ശേരി: മുഖ്യമന്ത്രി പിണറായി വിജയൻ കളമശ്ശേരി കാർഷികോത്സവ സമ്മേളനം ഇന്ന് (സെപ്റ്റംബർ 12) വൈകിട്ട് നാലിന് കളമശ്ശേരി ചാക്കോളാസ് പവിലിയനിൽ ഉദ്ഘാടനം ചെയ്യും. വ്യവസായ മന്ത്രി പി രാജീവ് അധ്യക്ഷനാകും.
ജിസിഡിഎ ചെയർമാൻ കെ ചന്ദ്രൻ പിള്ള , കെഐഎൽഇ ചെയർമാൻ കെ എൻ ഗോപിനാഥ്, ഡിപിസി അംഗം ജമാൽ മണക്കാടൻ എന്നിവരും നിയോജക മണ്ഡലത്തിലെ സഹകരണ ബാങ്ക് പ്രസിഡൻറുമാരും സംഘാടക സമിതി ജനറൽ കൺവീനർ വിജയൻ പള്ളിയാക്കലും സംസാരിക്കും. നാളെ (സെപ്റ്റംബർ 13 ) യാണ് കാർഷികോത്സവ സമാപനം. സമാപന ദിനത്തിൽ വടം വലി, ഓണം പൂക്കള മത്സരങ്ങൾ അരങ്ങേറും.
നാടിനെ ഒന്നാകെ ആഘോഷത്തിലാക്കിയ കാർഷികോത്സവത്തിന് വെള്ളിയാഴ്ചയാണ് കൊടിയിറങ്ങുക. ഉപ്പു തൊട്ടു കർപ്പൂരം വരെ എന്തും ലഭിക്കുന്നതായി കാർഷികോത്സവം.
