കനത്ത മഴ; ഇന്ന് ഏഴു ജില്ലകളിൽ അവധി

കൊച്ചി: കനത്തമഴ തുടരുന്ന പശ്ചാത്തലത്തില്‍ ഇന്ന് സംസ്ഥാനത്തെ ഏഴ് ജില്ലകളിൽ അവധി പ്രഖ്യാപിച്ചു. തൃശൂര്‍, മലപ്പുറം, കണ്ണൂര്‍, വയനാട്, കാസര്‍കോട്, കോഴിക്കോട്, പാലക്കാട് എന്നീ ജില്ലകളിലെ വിദ്യാഭ്യാസ സ്ഥാപനങ്ങള്‍ക്കാണ് വെള്ളിയാഴ്ച അവധി. ഫ്രൊഫഷണല്‍ കോളജുകള്‍ക്കും അങ്കണവാടികള്‍ക്കും അവധി ബാധകമാണ്. മുന്‍കൂട്ടി നിശ്ചയിച്ച പരീക്ഷകള്‍ക്ക് മാറ്റമില്ല. കൂടാതെ എറണാകുളത്തും ഇടുക്കിയിലും ദുരിതാശ്വാസ ക്യാമ്പുകൾ പ്രവർത്തിക്കുന്ന സ്കൂളുകളിൽ അവധിയായിരിക്കും.