കേന്ദ്ര കലാവസ്ഥ നിരീക്ഷണ വകുപ്പ് വയനാട് ജില്ലയിൽ ജൂൺ 13 മുതൽ ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ റെഡ് സോണിനോട് ചേർന്ന പ്രദേശങ്ങളിലെ ടൂറിസം കേന്ദ്രങ്ങൾ അടയ്ക്കാൻ ജില്ലാ ദുരന്തനിവാരണ അതോറിറ്റി ചെയർപേഴ്സൺ ഡി. ആർ മേഘശ്രീ ഉത്തരവിട്ടു. ജില്ലയിലെ ക്വാറികളുടെ പ്രവർത്തനങ്ങളും യന്ത്ര സഹായത്തോടെ മണ്ണ് നീക്കം ചെയ്യുന്ന പ്രവൃത്തികളും നിർത്തിവെക്കും. ഇനിയൊരു അറിയിപ്പ് ഉണ്ടാകുന്നത് വരെ ഉത്തരവ് ബാധകമായിരിക്കുമെന്നും ജില്ലാ കളക്ടർ അറിയിച്ചു.
ജില്ലയിൽ വരും ദിവസങ്ങളിൽ ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ എൻ ഊര് ഗോത്ര പൈതൃക ഗ്രാമം നാളെ ( ജൂൺ 13 ) മുതൽ ഇനി ഒരു അറിയിപ്പ് ഉണ്ടാകുന്നത് വരെ തുറന്നു പ്രവർത്തിക്കില്ലെന്ന് അധികൃതർ അറിയിച്ചു.
